Հարգելի՛ այցելուներ,

Ողջունում եմ Ձեզ Եվրասիա միջազգային համալսարանի Իրավագիտության ամբիոնի պաշտոնական կայքում: Որպես ամբիոնի վարիչ՝ պատրաստակամությամբ և պատասխանատվությամբ պատրաստ եմ աջակցել յուրաքանչյուր ուսանողի մասնագիտական կայացմանն ու աճին: Ունենալով ավելի քան 7 տարվա գիտամանկավարժական փորձ, իրավաբանական գիտությունների թեկնածուի աստիճան և մասնագիտական խորհրդի անդամակցություն՝ ուսանողներին եմ փոխանցում հիմնարար գիտելիքներ՝ միշտ կարևորելով իրավունքի «բարոյական» չափումն ու արդարության արժեքը:

Իրավաբանի մասնագիտությունը բարձր պատասխանատվություն պահանջող առաքելություն է: Մեր նպատակն է ձևավորել ոչ միայն բարձրորակ մասնագետներ, այլև օրինականության և քաղաքացիների իրավունքների ապագա պաշտպաններ: Մենք հատուկ ուշադրություն ենք դարձնում վերլուծական մտածողության զարգացմանն ու գործնական հմտությունների ձևավորմանը (դատախաղեր, իրական դեպքերի վերլուծություն): 

Վստահ եմ, որ մեր ամբիոնում ուսանելը կդառնա Ձեր հաջող կարիերայի ամուր հիմքն ու նշանակալի ներդրում անձնական զարգացման գործում:

Իրավագիտության ամբիոնի վարիչ, ի.գ.թ. Ադելինա Սարգսյան