Տեխնիկական գիտությունների թեկնածու, դոցենտ Ռուբեն Մարկոսյանը զբաղեցնում է ԵՄՀ Ուսումնամեթոդական աշխատանքների գծով պրոռեկտորի պաշտոնը: Սկզբում սովորել և ավարտել է ԵՊՀ ինֆորմատիկայի և կիրառական մաթեմատիկայի ֆակուլտետը, այնուհետև ավարտել է ՀՀ գիտությունների ազգային ակադեմիայի ասպիրանտուրան։ Կրթության և հանրային այլ ոլորտներում իր բազմամյա գործունեության ընթացքում Ռուբեն Մարկոսյանը ղեկավարել է մի շարք պաշտոններում. եղել է ԵՊՀ ուսանողական գիտական ընկերության նախագահ, «Համահայկական երիտասարդական միջազգային կենտրոն» հիմնադրամի արտաքին կապերի բաժնի պետ, ՀՀ սոցիալական ապահովագրության պետական հիմնադրամի միջազգային համագործակցության և հասարակայնության հետ կապերի վարչության պետ, ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր և ԵՊՀ հանրային կառավարման ամբիոնի դոցենտ (համատեղությամբ): 

Ռուբեն Մարկոսյանը միջազգային մի շարք կազմակերպությունների (Եվրոպայի Խորհուրդ, Համաշխարհային բանկ, ՄԱԿ, ԵՄ և այլն) կողմից ֆինանսավորվող ծրագրերում ներգրավված է եղել որպես փորձագետ կամ ծրագրի ղեկավար: 

Ընդունելության ժամեր` Երկուշաբթի, չորեքշաբթի և ուրբաթ, ժամը՝ 14։00-16։30: 

Հանրային կապերի մասնագետ, պրոդյուսեր Էդգար Ամիրխանյանը նախկինում ղեկավարում էր ԵՄՀ Հանրային կապերի և մարքեթինգի բաժինը։ Դավոսի հաղորդակցության համաշխարհային ֆորում ( The World Communications Forum Association – WCFA) ասոցիացիայի անդամ է:

Ավարտել է ԵՊՀ հայ բանասիրության ֆակուլտետը, այնուհետև կրթությունը շարունակել է տարբեր կրթական հաստատություններում՝ Լոնդոնի բիզնես ակադեմիա, Վրաստանի PR ակադեմիա, Եվրոպայի խորհրդի քաղաքական դասընթացների երևանյան դպրոց, Վարշավայի Եվրաատլանտյան ամառային ակադեմիան, ստացել է նաև Ռուս-հայկական (Սլավոնական) համալսարանի բիզնես վարչարարության (MBA) դիպլոմ: 

Էդգար Ամիրխանյանը՝ որպես պրոդյուսեր, ղեկավարել է բազմաթիվ վարկանիշային տեղական և միջազգային նախագծեր, Հանրային ռադիոն ներկայացրել Եվրոպական հեռարձակողների միության արտաքին կապերի պատասխանտուների հանձնախմբում։ 

Ընդունելության ժամեր` երկուշաբթի, չորեքշաբթի և ուրբաթ, ժամը՝ 14։00-16։00: 

Արևիկ Օհանյանն ունի Բիզնեսի կառավարման Մագիստրոսի (MBA) կոչում (Հայաստանի Ամերիկյան Համալսարան)։ ՀՀ Կրթության, գիտության, մշակույթի և սպորտի նախարարության, ԵՄ Պատվիրակության և Էրազմուս+ ծրագրի ազգային գրասենյակի համատեղ համաձայնությամբ Հայաստանի բարձրագույն կրթության բարեփոխման (ԲԿԲՓ) փորձագետ է: Նա նաև Էրազմուս+ «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» (ARMDOCT) ծրագրի համակարգողն է:

Արևիկ Օհանյանը վերապատրաստվել է ԱՄՆ Բոստոն Քոլեջի Միջազգային բարձրագույն կրթության կենտրոնում (CIHE)՝ որպես գիտայցելու ԱՄՆ-ի Պետքարտուղարության կողմից հովանավորվող Երիտասարդ դասախոսների վերապատրաստման ծրագրի շրջանակներում (JFDP): Վերջինս մասնակցել և վերապատրաստվել է նաև Եվրոպական լավագույն բուհերում Եվրամիության կողմից հովանավորվող TEMPUS IV և Էրազմուս + կարողությունների զարգացման տարբեր ծրագրերի շրջանակներում՝ Որակի ապահովման և բարձրագույն կրթության միջազգայնացման ուղղությամբ։

ԵՄՀ-ում համակարգում է նաև ԵՄ հովանավորությամբ իրականացվող աշխատակիցների և ուսանողների փոխանակման ծրագրերը։ Հեղինակ է մի շարք տեղական և միջազգային հոդվածների և ձեռնարկների՝ որակի ապահովման, դասընթացների ու կրթական ծրագրերի մշակման և կառավարման, բարձրագույն կրթության միջազգայնացման ոլորտներում։

Մարիամ Ջիլավյանը ղեկավարում է Եվրասիա միջազգային համալսարանի որակի ապահովման (ՈԱ) կենտրոնը, կառավարման ամբիոնի ասպիրանտ է։ 

Մ․ Ջիլավյանը 2014-2019 թթ. սովորել է ԵՄՀ-ում՝ ստանալով Կառավարման բակալավրի, այնուհետև նաև մագիստրոսի աստիճան: Եվրամիության կողմից հովանավորվող Էրազմուս+ ծրագրի շրջանակներում սովորել է Լիտվայի Միկոլաս-Ռոմերիս համալսարանում (Լիտվա), ինչպես նաև որպես հետազոտող և գիտայցելու վերապատրաստվել Կրակովի Յագելոնյան համալսարանում (Լեհաստան):  

Մ․ Ջիլավյանն ապահովում է ԵՄՀ Որակի կառավարման համակարգի ներդրումն ու շարունակական բարելավումը, ինչպես նաև համակարգում համալսարանի ինստիտուցիոնալ և ծրագրային հավատարմագրման աշխատանքները։ Էրազմուս+ կարողությունների զարգացման և փոխանակման տարբեր ծրագրերի շրջանակներում վերապատրաստվել է Եվրոպական լավագույն բուհերում՝ բարձրագույն կրթության կառավարման, կրթության և հետազոտության միջազգայնացման, որակի ապահովման և այլ թիրախային թեմաների շուրջ։ Ներգրավված է միջազգային տարատեսակ նախագծերում, համա-համակարգում է Էրազմուս+ «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» (ARMDOCT) կարողությունների զարգացման նախագիծը: 2019-2022 թվականներին ՀՀ-ում համակարգել է LION (Learning Inside Out Network) միջազգային կրթական-հետազոտական ծրագիրը, որը հիմնադրվել և ղեկավարվում է ԱՄՆ Ստոունհիլ համալսարանի Քաղաքագիտության և միջազգային կապերի ամբիոնի կողմից։ 

Ընդունելության ժամեր` Երեքշաբթի և ուրբաթ, ժամը՝ 14։30-16։30 

Քրիստինե Մինասյանը ավարտել է Եվրասիա միջազգային համալսարանի Իրավաբանական ֆակուլտետը, որից հետո ստացել է նաև իրավագիտության մագիստրոսի կոչում: 

Քրիստինե Մինասյանը ԵՄՀ-ում սկսել է աշխատքը իրավագիտության ամբիոնի մեթոդիստից ու հասել մինչև ՄՌԿ բաժնի ղեկավարի պաշտոնին։ 2008- 2010 թթ. եղել է Եվրասիա միջագային համալսարանի իրավախորհրդատուն։ Դասավանում է ԵՄՀ իրավագիտության ամբիոնում և «Եվրասիա» ավագ դպրոց վարժարանում, բացի այդ կազմակերպել և անցկացրել է «Բիզնես դպրոց»-ի դասընթացներ։ 

Անցել է մի շարք մասնագիտական և մեթոդական վերապատրաստումներ։ Հանդիսանում է Հայաստանի ՄՌ ասոցացիայի անդամ։ 

Ընդունելության ժամեր՝ Երկուշաբթի և ուրբաթ, ժամը՝ 11։00-15։00: 

Եվրասիա միջազգային համալսարանի Ուսումնամեթոդական աշխատանքների գծով երկարամյա պրոռեկտոր Իրինա Բաբայանն այսուհետ ԵՄՀ ռեկտորի գլխավոր խորհրդականն է: Նա ունի Հոգեբանության մագիստրոսի (Երևանի գործնական հոգեբանության և սոցիոլոգիայի համալսարան) և Կառավարման  մագիստրոսի (Եվրասիա միջազգային համալսարան) (MBA) կոչում։ 

Նրա ջանքերի շնորհիվ Եվրասիա միջազգային համալսարանը գրանցել է ուսումնագիտակրթական բազմաթիվ նվաճումներ: Իր գործունեության ընթացքում Իրինա Բաբայանը ներկայացրել է Եվրասիա միջազգային համալսարանը միջազգային և տեղական բարձրագույն ուսումնական հաստատություններում՝ ԱՄՆ-ի, Մեծ Բրիտանիայի, Իսպանիայի, Լիտվայի, Հունաստանի և այլ հեղինակավոր բուհերում։ 2009թ. ՀՀ ԿԳՆ-ի կողմից անբասիր աշխատանքի համար ստացել է շնորհակալագիր։ Հեղինակ է մի շարք գիտական հոդվածների: 

Ընդունելության` երեքշաբթի, ուրբաթ 15:00-17:00 

Ադելինա Սարգսյանը ունի ավելի քան 7 տարվա գիտամանկավարժական գործունեության փորձ։ 2020 թվականին պաշտպանել է թեկնածուական ատենախոսություն «Գործուն զղջալու դեպքում քրեական պատասխանատվությունից ազատելու հիմնախնդիրները (իրավահամեմատական վերլուծություն)» թեմայով։

Մասնագիտական հետաքրքրությունների շրջանակը ներառում է քրեական իրավունքը, բժշկական քրեական իրավունքը, նորագույն կենսաբժշկական տեխնոլոգիաների ոլորտում հանցագործությունները, թվային քրեական իրավունքը, քրեական քաղաքականությունը և քրեակատարողական իրավունքը։

2020 թվականից դասավանդում է Ռուս-Հայկական համալսարանում, իսկ 2023 թվականից առ այսօր հանդիսանում է նույն համալսարանում գործող ԺԲ.00.05 «Քրեական իրավունք և կրիմինալոգիա, քրեակատարողական իրավունք» մասնագիտական խորհրդի անդամ։

Աննա Խվորոստյանկինան իրավաբան է, իրավաբանական գիտությունների թեկնածու (PhD): Ծնվել է Դնիպրոյում (Ուկրաինա) և իրավունքի տեսության ոլորտում թեկնածուական ատենախոսությունը պաշտպանել է  Ուկրաինայի Գերագույն Ռադայի օրենսդրության ինստիտուտում (իրավաբանական գիտությունների թեկնածու է 2012 թ.), «Եվրոպական և անդրազգային իրավունքի առաջադեմ ուսումնասիրություններ» մասնագիտությամբ մագիստրոսի կոչումը ստացել է Իտալիայի Տրենտոյի համալսարանում (2006 թ.), ինչպես նաև ստացել է իրավագիտության մագիստրոսի կոչում Ուկրաինայի «Կիև-Մոհիլա ակադեմիայի» ազգային համալսարանում՝ օրինաստեղծման տեսության մասնագիտությամբ (2005 թ.): 

2004-2005 թթ.-ին Աննա Խվորոստյանկինան աշխատել է իրավական փորձագետ Ուկրաինայի արդարադատության նախարարության իրավական բարեփոխումների և օրենսդրության մշակման կենտրոնում: 2006-2007թթ. աշխատել է որպես պրակտիկանտ Եվրոպական հանրային իրավունքի կենտրոնում (Աթենք, Հունաստան): 

2008 թ.-ից մինչև 2019 թ. Աննա Խվորոստյանկինան աշխատել է «Կիև-Մոհիլա ակադեմիայի» ազգային համալսարանում: 2020 թ. նախաձեռնել է ԲՊՀ միջդիսցիպլինար հետազոտությունների կենտրոնի հիմնադրումը և մինչ 2022 թ. ապրիլը հանդես է եկել վերոնշյալ կենտրոնի հիմնադիր տնօրեն: Ներկայումս նա շարունակում է իր ներդրումը կենտրոնի գործունեությունում՝ որպես ավագ գիտաշխատող: 

2017 թ. եղել է ԱՄՆ Սթենֆորդի համալսարանի հրավիրյալ դասախոս և դասավանդել է «Սահմանադրական մշակույթներն անցումային փուլում. սահմանադրական արժեքները և ինքնությունները հետխորհրդային տարածաշրջանում» դասընթացը։ 2020-2021 թթ. համատեղ դասավանդել է «Հայաստանի սահմանադրական զարգացումները» դասընթացը Մարտին Լյութեր համալսարանում (Հալլե, Գերմանիա): 

Ներկայումս նա նաև համակարգում է Ժան Մոնե «ԵՄ, անվտանգություն և մարդու իրավունքներ» մոդուլը Եվրասիա միջազգային համալսարանում: 

Աննա Խվորոստյանկինան Կովկասի Եվրոպական ուսումնասիրությունների ասոցիացիայի (AESC) անդամ է: Նա ակտիվ հետազոտական գործունեություն է ծավալում և մասնակցել է միջազգային գիտահետազոտական նախագծերի:  

Ընդունելության ժամեր՝ երեքշաբթիից ուրբաթ, ժամը՝ 14։30-16։00: 

Նունե Ջոմարդյանն իրավաբան է, ավարտել է Երևանի պետական համալսարանը և պատրաստում է ատենախոսություն «Հանրային իրավունք /սահմանադրական, վարչական, ֆինանսական, մունիցիպալ, բնապահպանական, եվրոպական իրավունք, պետական կառավարում/» ԺԲ.00.02 ծածկագրով (Եվրասիա միջազգային համալսարան): Վերապատրաստվել է Շվեդիայի տեխնոլոգիական համալսարանում (KTH) և Սալոնիկի Արիստոտելի համալսարանում (Հունաստան) Եվրամիության կողմից հովանավորվող Էրազմուս + կարողությունների զարգացման ծրագրերի շրջանակներում՝ բարձրագույն կրթության միջազգայնացման ուղղությամբ, ինչպես նաև կատարել է հետազոտական աշխատանք ատենախոսության շրջանակներում: 

Հեղինակ է մի շարք հոդվածների՝ մարդու իրավունքների, սոցիալական պետության հիմնախնդիրների, դասընթացների ու կրթական ծրագրերի մշակման և կառավարման ոլորտներում։ Նունե Ջոմարդյանը համակարգում է պետական և մասնավոր կազմակերպությունների, տարբեր հիմնադրամների, միջազգային կառույցների, հասարակական և այլ կազմակերպությունների հետ համագործակցությունը, պրոֆեսորադասախոսական կազմի և ուսանողների հետազոտական աշխատանքներն ու մասնագիտական վերապատրաստումները: ԵՄՀ-ի իրավագիտության ամբիոնում պատասխանատու է նաև մասնագիտական կրթական ծրագրերի մշակման ու վերանայման համար: 

Նունե Ջոմարդյանը կուտակած փորձն ու գիտելիքը կիսում է նաև լսարանում՝ դասավանդելով իրավագիտական ուղղությամբ տարբեր առարկաներ: 

Ընդունելության ժամեր՝ երեքշաբթիից ուրբաթ, ժամը՝ 14։30-16։00: 

Նազելի Նավասարդյանը պատմական գիտությունների թեկնածու է, դոցենտ, ՀՀ ԳԱԱ արևելագիտության ինստիտուտի միջազգային հարաբերությունների բաժնի ավագ գիտաշխատող։

Հրավիրյալ դասախոս է ԵՊՀ արևելագիտության և ՀՀ ԳԱԱ ԳԿՄԿ միջազգային հարաբերությունների ֆակուլտետներում, շուրջ 10 տարի դասավանդել է Հայ-ռուսական համալսարանի միջազգային հարաբերությունների ֆակուլտետում, որպես հետազոտող-վերլուծաբան աշխատել է ՀՀ ՊՆ ՊԱՀՀ-ի վերլուծական կենտրոնում։

Ի լրումն դասախոսական և ակադեմիական գործունեությանը, նա ստանձնել է ղեկավար պաշտոններ կրթական ոլորտում՝ աշխատելով որպես ՀՊՏՀ քոլեջի տնօրեն և Վ․Բրյուսովի անվան պետական համալսարանի գիտության բաժնի պետ:

Արմինե Ասատրյանը ավարտել է ԵՊՀ հայ բանասիրության ֆակուլտետը, կրթությունը շարունակել է նույն համալսարանի «Նորագույն գրականության և գրաքննադատության» ամբիոնում: Աշխատել է տարբեր ուսմնական հաստատություններում՝ Հայաստանի եվրոպական քոլեջ, Հայաստանում ֆրանսիական ինժեներական համալսարան, Հերացի ավագ դպրոց, Հայստանի Եվրոպական համալսարան:

Մասնակցել է Չելսիի բիզնես դպրոցի «Կրթության կառավարում», Գլազգոյի համալսարանի «Ներառականությունը կրթության մեջ», «Կրթությունը բոլորի համար» առցանց վերապատրաստումներին: Զուգահեռ աշխատում է նաև «Դասավանդի’ր, Հայաստան» կրթական հիմնադրամում որպես մենթոր:

Արմինե Ասատրյանը իրականացնում է բազմաբնույթ համագործակցություններ ուսումնական հաստատությունների հետ, նաև անցկացնում է աշխատանքային շուկայի վերլուծություն, վերհանում է շուկայում առկա պահանջները, առաջարկներ ներկայացնում ամբիոններին ՄԿԾ վերջնարդյունքների ձևավորման հարցում, ապահովում է ամբիոն-գործատու կապը, իրականացնում է «Բաց դռների օրեր», «Կարիերայի օրեր» ամենամյա նախագծերը։

Ընդունելության ժամեր` Երկուշաբթի, չորեքշաբթի և ուրբաթ, ժամը՝ 14։00-16։30: 

Մերի Շահբազյանը ԵՄՀ իրավագիտության ամբիոնի հայցորդ է։ Նա վերապատրաստման դասընթացներ է անեցել Էստոնիայի Տալլին և Չեխիայի Մասսարիկ համալսարաններում՝ Եվրոմիության կողմից ֆինանսավորվող Էրազմուս Մունդուս և Էրազմուս + կարողությունների զարգացման տարբեր ծրագրերի շրջանակներում՝ Կարիերայի կառավարման և գործատուների հետ կապի հաստատման ուղղությամբ։ Հանդիսանում է ԵՄՀ «Աշակերտական գիտաժողով»-ի և  «Քայլ Առաջ» ծրագրերի պատասխանատուն։ 

Մերի Շահբազյանը իրականացնում է նաև աշխատանքային շուկայի վերլուծություն, վերհանում է շուկայում առկա պահանջները, առաջարկներ ներկայացնում ամբիոններին ՄԿԾ վերջնարդյունքների ձևավորման հարցում, ապահովում է ամբիոն – գործատու կապը, իրականացնում է «Կարիերայի օրեր» ամենամյա նախագիծը։ 

Մերի Շահբազյանը դասավանում է ԵՄՀ իրավագիտության ամբիոնում։ Հեղինակ է մի շարք տեղական և մեկ միջազգային հոդվածի: 

Ընդունելության ժամեր՝ երկուշաբթիից-ուրբաթ, ժամը՝ 14։00-16։00: 

Սիրարփի Դավթյանը ունի Մանկավարժության Մագիստրոսի կոչում/Հայոց լեզու և գրականություն (ՀՊՄՀ): Ավարտել է նույն համալսարանի Հայոց լեզվի և նրա դասավանդման ամբիոնի ասպիրանտուրան և առաջիկայում պատրաստում է ատենախոսության պաշտպանությանը: Մի շարք գիտական հոդվածների հեղինակ է: 2017- 2019 թթ. եղել է Եվրասիա ավագ դպրոցի փոխտնօրեն: Դասավանդում է Լեզուների, հաղորդակցության և մանկավարժության ամբիոնում: 

Նա կատարում է ուսանողների տվյալների հենքի ստեղծում և պահպանում, ընթացիկ թարմացումների իրականացում, համակարգի ընդհանուր կառավարում, գործավարության կազմակերպում և համակարգում, տեղեկանքների պատրաստում, դիմում-հայտերի ընդունում և փոխանցում համապատասխան ստորաբաժանումներին և այլն։ 

Ընդունելության ժամեր՝ Երկուշաբթիից ուրբաթ, ժամը՝ 9։00-12։00, 13:00-17:00: 

Տիգրան Հարությունյան ղեկավարում է ԵՄՀ Լրագրության կրթական ծրագիրը։ Շուրջ 35 տարի աշխատում է Հայաստանի Հանրային ռադիոյում՝ լինելով առաջին ալիքի ձայներից մեկը։ Սովորել է Հայկական Բժշկական Ինստիտուտի բուժական ֆակուլտետում, այնուհետև ավարտել է «Դավիթ Անհաղթ» հումանիտար համալսարանի հեռուստառադիոլրագրության ‎ ֆակուլտետը։ Սովորել է նաև Ռուսաստանի հեռուստառադիոաշխատակիցների որակավորման բարձրացման ինստիտուտում, աշխատել «Культура» հեռուստաալիքում, մասնագիտացել Վրաստանի PR ակադեմիայում և ավարտել Բեռլինի մենեջմենթի ինստիտուտի «Կառավարման հմտություններ» դասընթացը:

Հանդիսացել է «Այգ» հեռուստաընկերության գեղարվեստական ծրագրերի տնօրենը, ապա` գործադիր տնօրենը։ Աշխատել է «Արմենիա» հեռուստաընկերությունում որպես ռուսերեն լեզվով լուրերի խմբագիր, այնուհետև ղեկավարել է «Երկիր Մեդիա» հեռուստաընկերության «Երկրի առավոտը» ծրագիրը, մի քանի տասնյակ ռադիո և հեռուստահաղորդումների հեղինակ և վարող: Տիգրան Հարությունյանն աշխատել է Հայկական հեռուստատեսության առաջին և երկրորդ ալիքներում: 

Ընդունելության ժամեր` Երկուշաբթի և ուրբաթ, ժամը՝ 14։00-16։00: 

Տնտեսական գիտությունների թեկնածու Գոհար Մելիքբեկյանը Եվրասիա միջազգային համալսարանի հենակետային վարժարանի նախաբուհական ծրագրերի համակարգողն փոխտնօրենն է: Վերջինս ասպիրանտուրան ավարտել է  ՀՀ ՊԿԱ Հանրային ֆինանսների կառավարում մասնագիտությամբ, մագիստրոս որակավորում՝ Հանրային ֆինանսների կառավարում, ՀՀ պետական կառավարման ակադեմիա, որակավորում՝ Պետական ծառայող:  

Աշխատել է Մարդկային Ռեսուրսների կառավարման բաժնի գլխավոր մասնագետ (ՀՀ պետական կառավարման ակադեմիա – ՀՀՊԿԱ), Ռեկտորի առաջին օգնական (ՀՀՊԿԱ), Գիտական քարտուղար (ՀՀՊԿԱ), Եվրոպական ինտեգրման և բարեփոխումների վարչության ղեկավար (ՀՀՊԿԱ), ՀՀ պետական կառավարման Ակադեմիայի Հանրային կառավարման և հանրային ֆինանսների կառավարման ամբիոնի Դասախոս, Մարդկային ռեսուրսների կառավարման բաժնի ղեկավար (ՋիՓարթներս Կովկասյան Գրուպ – իրավաբանական ընկերություն), Ֆինանսներ, հաշվառում և աուդիտ ամբիոնի ավագ դասախոս և վարիչ, Տերնոպոլի Ազգային Տնտեսագիտական համալսարանի Երևանյան կրթագիտական ինստիտուտ: 

Ընդունելության ժամեր` Երկուշաբթի և ուրբաթ, ժամը՝ 12։00-16։00: 

Շուշան Մարտիրոսյանը ավարտել է Գեղարվեստի Պետական Ակադեմիան, Հագուստի մոդելավորման բաժինը։ Հիմնել է իր սեփական հագուստի բռենդը։ Աշխատում է որպես դիզայներ ոճաբան գովազդային հոլովակների, ֆիլմերի և տեսահոլովակների համար։ Սովորել է Code Academy-ում , մասնագիտացել Digital Marketing (SEO PPC SMM STO EM CM ) և աշխատում է որպես fashion expert e-commerce հարթակների համար։
2024 թ.-ից աշխատանքի է անցել ԵՄՀ համալսարանում որպես դիզայն կրթական ծրագրի պատասխանատու։ Իրականացնում է կրթական ծրագրի համակարգողի գործառույթները։

Ընդունելության ժամեր՝ երկուշաբթիից-ուրբաթ, ժամը՝ 14։00-16։00: 

Լիլիթ Բիչախչյանը բակալավրի աստիճանը ստացել է Շիրակի պետական համալսարանում՝ քիմիայի բաժնում: Մագիստրատուրան ավարտել է Երևանի պետական համալսարանում՝ օրգանական քիմիայի բաժինը: 

Աշխատել է Խ. Աբովյանի անվան հայկական պետական մանկավարժական համալսարանի «Քիմիայի և նրա դասավանդման մեթոդիկայի» ամբիոնում որպես վարիչի օգնական, ամբիոնի մասնագետ, 2013 թվականից ՀՀ ԳԱԱ  ՕՔԻ կրտսեր գիտ. աշխատող է:  ԵՄՀ-ում Ֆարմացիայի ամբիոնի վարիչի օգնականն է,  «Թունաբանական քիմիա»   և  «Ֆարմացիայի պատմություն» առարկաների ասիստենտ է: Մի շարք գիտական հոդվածների և 5 գիտական արտոնագրի հեղինակ է:

Մերի Թումանյանն  2016 թ․ ավարտել է Փանոս Թերլեմեզյանի անվան գեղարվեստի պետական քոլեջը «Գեղանկարչության» բաժինը` գեղանկարիչ-դասավանդող մասնագիտությամբ, ստացել մանկավարժության աստիճան և ուսուցչի որակավորում: 2020թ․ ընդունվել է Եվրասիա միջազգային համալսարանի «Կառավարում» բաժին։ Աշխատել է մի շարք ուսումնական հաստատություններում՝ «Փոքրիկ գիտունիկ» նախակրթարան-քոլեջում՝ որպես կերպարվեստի ուսուցչուհի, «Ժպիտների աշխարհ» մանկապարտեզում որպես՝ կերպարվեստի ուսուցչուհի և դաստիարակ։

2022 թվականից աշխատանքի է անցել ԵՄՀ Կառավարման ամբիոնում՝ որպես ամբիոնի վարիչի օգնակաան, որտեղ իրականացնում է  կազմակերպչական աշխատանքներ, իսկ 2025 թվականից զբաղեցնում է ԵՄՀ էլեկտրոնային կառավարման համակարգերի պատասխանատուի պաշտոնը:

Նարինե Դիլանյանը սովորել և ավարտել է Մաշտոցի անվան համալսարանի ռոմանագերմանական ֆակուլտետը՝ ստանալով օտար լեզուների մանկավարժի և թարգմանչի բակալավրի որակավորում։ Մասնակցել է որակի ապահովման դասընթացի և ստացել համապատասխան վկայական։

Աշխատանքում կարևորում է թիմային համագործակցությունը, պատասխանատվությունը և ժամանակի արդյունավետ կառավարումը։

2024 թ․ հոկտեմբերից աշխատում է Եվրասիա Միջազգային Համալսարանում՝ որպես ռեկտորի օգնական։

Մինչ այդ աշխատել է որպես ներմուծման մենեջեր և օֆիս մենեջեր։

Մարիամ Վարդերեսյանը ավարտել է Խ․Աբովյանի անվան Հայաստանի պետական մանկավարժական համալսարանի «Գրադարանային տեղեկատվական աղբյուրներ» բաժինը: Ունի գրադարանավարի երկարամյա աշխատանքային փորձ: Իր աշխատանքային գործունեությունը սկսել է թիվ 188 մսուր մանկապարտեզից, այնուհետև շարունակել է «Մխիթար Սեբաստացի» կրթահամալիրում՝ տասնվեց տարի աշխատելով որպես դաստիարակչուհի, կազմակերպիչ, իսկ հետո ուսումնական մասի վարիչ,  եղել է Եվրոպական կրթական տարածաշրջանային ակադեմիայում գրադարանավար-արխիվավարի հաստիքում, 2013թ․ զբաղեցրել է Հայաստանի եվրոպական համալսարանի Գրադարանի և արխիվի վարիչի պաշտոնը։

Մասնակցել է «Մխիթար Սեբաստացի» կրթահամալիրի «Տիգրան Հայրապետյան» գրադարանի կողմից իրականացրած «Դպրոցական նոր գրադարան. Էլեկտրոնային սպասարկում» թեմայով վերապատրաստմանը, «Վ. Բրյուսովի անվան պետական համալսարան» հիմնադրամի կողմից կազմակերպված գրադարանավարների վերապատրաստման երկօրյա դասընթացին, «Կրթության կառավարում» թեմայով Չելսիի բիզնես դպրոցի վերապատրաստմանը, նաև EBSCO տեղեկատվական ծառայություններ մատուցող ամերիկյան կազմակերպության «EBSCO Discovery Service VS Google Scholar» (29․10․2024) թեմայով վերապատրաստմանը։

Եվրասիա միջազգային համալսարանում նա իրականացնում է թվային և տպագիր գրքերի համալրում և սպասարկում, ընթերցողների գրանցում, արխիվի վարում։

Ազատուհի Քիրիշյանը փորձառու գլխավոր հաշվապահ է՝ ավելի քան 12 տարվա մասնագիտական գործունեությամբ ֆինանսական հաշվետվությունների, հարկային համապատասխանության և ֆինանսական վերլուծության ոլորտներում։

Ներկայումս աշխատում է «Fin Leader» ՍՊԸ-ում որպես հաշվապահ՝ ղեկավարելով հաշվապահական բաժինը, վերահսկելով հաշվետվությունների պատրաստումը և մասնակցելով ռազմավարական ֆինանսական որոշումների կայացմանը։

Նա ունի մագիստրոսի աստիճան էլեկտրոնիկայի և նանոէլեկտրոնիկայի ոլորտում՝ ստացած Ռուս-հայկական (Սլավոնական) համալսարանում։ Տիրապետում է հայերենին, ռուսերենին և անգլերենին, ինչպես նաև մի շարք հաշվապահական և ֆինանսական ծրագրերի։