Բանավեճը՝ որպես ապագա իրավաբանների մասնագիտական մտածողության ձևավորման միջոց

«Քրեական իրավունք» առարկայի շրջանակում, ԵՄՀ Իրավագիտության ամբիոնի վարիչ, իրավաբանական գիտությունների թեկնածու Ադելինա Սարգսյանի նախաձեռնությամբ և ղեկավարությամբ, տեղի ունեցավ ուսանողական բանավեճ՝ «Քրեական պատասխանատվության նվազագույն տարիքի իջեցումը» թեմայով։

Բանավեճի անցկացումը նպատակ ուներ ամրապնդելու ուսանողների տեսական գիտելիքները, զարգացնելու իրավական խնդիրների ինքնուրույն վերլուծության, սեփական դիրքորոշման ձևավորման և այն հիմնավորելու կարողությունները։ Իրավաբանական կրթության մեջ նման ձևաչափը կարևոր նշանակություն ունի, քանի որ ապագա իրավաբանից պահանջվում է տիրապետել օրենքին, հասկանալ դրա կիրառման հետևանքները, գնահատել տարբեր իրավական մոտեցումները և փաստարկված դիրքորոշում արտահայտել վիճահարույց հարցերի շուրջ։

Քննարկման ընթացքում ուսանողները ներկայացրին տարբեր դիրքորոշումներ՝ հիմնավորելով իրենց տեսակետները, անդրադառնալով հակադիր փաստարկներին և խնդիրը դիտարկելով քրեաիրավական ու հասարակական տեսանկյուններից։ Փոխադարձ հարցադրումների և փաստարկների համադրման միջոցով նրանք զարգացրին իրավական վերլուծության, քննադատական մտածողության և մասնագիտական հաղորդակցության հմտությունները։

Ընտրված թեման առանձնահատուկ նշանակություն ուներ, քանի որ քրեական պատասխանատվության նվազագույն տարիքի հարցը դուրս է գալիս զուտ քրեաիրավական կարգավորման շրջանակներից։ Այն առնչվում է անչափահասների իրավունքների պաշտպանությանը, հանցավորության կանխարգելմանը, պատժի նպատակներին, երեխայի տարիքային և հոգեբանական առանձնահատկությունների հաշվառմանը, ինչպես նաև հասարակական անվտանգության ապահովման պետական պարտավորությանը։

Հետևաբար, հարցի քննարկումը պահանջում էր իրավական դրույթների իմացություն, տարբեր շահերի և իրավական արժեքների համակողմանի գնահատում։ Այսպիսի քննարկումների ընթացքում ուսանողները սովորում են իրավական խնդիրներին մոտենալ մասնագիտական տեսանկյունից, կշռադատել հնարավոր լուծումները և հիմնավորել իրենց եզրահանգումները։

Ուսանողական ինքնակառավարում. անցած ուղուց՝ դեպի վերափոխման հեռանկարներ. ԵՄՀ-ում կայացավ ուսանողի միջազգային օրվան նվիրված համաժողովը

Նոյեմբերի 16-ին Եվրասիա միջազգային համալսարանում (ԵՄՀ) կայացավ «Ուսանողական ինքնակառավարման հիմնախնդիրները Հայաստանի Հանրապետությունում. նոր հնարավորություններ և մարտահրավերներ» խորագրով համաժողովը՝ նվիրված Ուսանողի միջազգային օրվան։ Մեկ հարթակում համախմբվեցին

Իրավաբանական կրթությունը՝ մարդու իրավունքների գործնական ճանաչմամբ

Եվրասիա միջազգային համալսարանի Իրավագիտության ամբիոնի առաջին կուրսի ուսանողուհիներ Լիանա Թումանյանը, Անի Թորոսյանը, Վերգինե Սուչյանը և չորրորդ կուրսի ուսանողուհի Քնար Ալոյանը 2026 թվականի նոյեմբերի 16-ին մասնակցել

ԵՄՀ Իրավագիտության ամբիոնի նախաձեռնությամբ տեղի ունեցավ հերթական բաց դասախոսությունը

Մեզ հյուրընկալվել էր ՀՀ Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր, իրավաբանական գիտությունների թեկնածու Վիրաբ Վարդանյանը: Հանդիպման ընթացքում հատուկ ուշադրություն է