Ընտանիքի պլանավորումը յուրաքանչյուր զույգի և առանձին անհատի հիմնական իրավունքներից է, որը հնարավորություն է տալիս ազատ և պատասխանատու 
որոշումներ կայացնել երեխաների թվի և նրանց ծնունդների ժամանակ, ծնունդների միջև եղած ընդմիջումների վերաբերյալ, ինչպես նաև տեղեկատվություն ստանալ այդ որոշումներն իրականացնելու համար:
Առողջ հասարակության հիմքը հենց առողջ ընտանիքն է: Իսկ ինչպե՞ս պլանավորել առողջ ընտանիք: Այս և մի շարք այլ կարևոր հարցերին անդրադարձավ և ԵՄՀ ուսանողներին օգնեց հասկանալ «Ֆանարջյան կլինիկ»-ի մանկաբարձ-գինեկոլոգ, գինեկոլոգ-էնդոկրինոլոգ, ռեպրոդուկտոլոգ, կոլպոսկոպի մասնագետ, բժշկական գիտությունների 
թեկնածու Լիլիթ Կուջոյանը: Սեմինարը կազմակերպվեց Եվրասիա միջազգային համալսարանի դասընթացների կենտրոնի նախաձեռնությամբ «Ֆանարջյան կլինիկ»-ի հետ համագործակցության շրջանակներում՝ «Առողջ ընտանիքի պլանավորում» թեմայով:
Իր զեկույցում բանախոսը անդրադարձավ նաև անպտղության, առողջ հղիության, սեռավարակների հարցերին, ներկայացրեց Առողջապահության համաշխարհային կազմակերպության կողմից իրականացված հետազոտության վիճակագրական տվյալներ: Մասնագետը կարևորեց այս ուղությամբ տղաների և աղջիկները սեռական դաստիարակությանն ուղղված դասընթացները: Նա խորհուրդ տվեց պարբերաբար հետազոտվել, զարգացնել սեփական գիտելիքիները մասնագետների աջակցությամբ:
