COP17-ի Green Zone-ում Համալսարանների կոալիցիայի տարածքում Եվրասիա միջազգային համալսարանի «Շրջանաձև տնտեսության» մագիստրոսական ծրագրի ուսանողների կողմից անցկացվեց «Նորաձև, թե՞ շրջանաձև» ինտերակտիվ աշխատարանը՝ նվիրված կայուն նորաձևությանը և շրջանաձև տնտեսությանը։
Մասնակիցները քննարկեցին արագ նորաձևության (Fast Fashion) ազդեցությունը շրջակա միջավայրի վրա, պատասխանատու սպառման կարևորությունը և հագուստի վերաօգտագործման, վերանորոգման ու վերափոխման հնարավորությունները։
Ինտերակտիվ քննարկման ընթացքում երիտասարդներն առաջարկեցին գաղափարներ՝ ինչպես նվազեցնել ավելորդ գնումները և երկարացնել հագուստի օգտագործման ժամկետը։
Աշխատարանի ստեղծագործական հատվածում նկարիչ-իլյուստրատորի օգնությամբ մասնակիցների հին հագուստը նոր տեսք և երկրորդ կյանք ստացավ։
Միջոցառման հիմնական ուղերձն էր՝ լինել ոչ միայն նորաձև, այլև պատասխանատու և շրջանաձև։
