Սեպտեմբերի 10-ին Հայաստանում Էրազմուս+ ազգային գրասենյակը մասնակցեց DAAD Information Session & 1:1 Counselling հանդիպմանը՝ «Germany as a Partner for Study, Research and Cooperation» խորագրով։
Հանդիպման ընթացքում DAAD տարածաշրջանային գրասենյակի տնօրեն Սիլվիա Շմիդը ներկայացրեց ուսանողների, հետազոտողների և բուհերի համար նախատեսված DAAD-ի ֆինանսավորման հնարավորությունները՝ ընդգծելով Գերմանիայի հետ ուսումնառության, հետազոտության և ինստիտուցիոնալ համագործակցության զարգացման ուղիները։
Իր հերթին, Հայաստանում Էրազմուս+ ազգային գրասենյակի համակարգող Մարիանա Սարգսյանը ներկայացրեց Էրազմուս+ հնարավորությունները՝ մասնավորապես Cooperation Partnerships և Alliances for Innovation ծրագրերը՝ որպես միջազգային համագործակցությունը շարժունությունից դեպի երկարաժամկետ և բովանդակային գործընկերություն ընդլայնելու գործիքներ։
Cooperation Partnerships — համատեղ նախագծերի, նորարարական մոտեցումների, թվային և կանաչ փոխակերպման, ներառականության, ձեռնարկատիրության և աշխատաշուկայի հետ կապերի զարգացման համար։
Alliances for Innovation — կրթության, հետազոտության և բիզնեսի միջև համագործակցությունը խորացնելու, նորարարությունը խթանելու և աշխատաշուկայի փոփոխվող կարիքներին համապատասխան հմտություններ զարգացնելու համար։
Շնորհակալություն DAAD Regional Office Tbilisi-ին հանդիպման կազմակերպման և Հայաստանի բուհերի ներկայացուցիչների համար համագործակցության հնարավորությունների շուրջ քննարկման արժեքավոր հարթակ ստեղծելու համար։
