Դասընթացի ընթացքում մասնակիցների հետ քննարկվում էր, թե ինչ է ատելության խոսքը, ինչպիսի ազդեցություն այն կարող է ունենալ հասարակության վրա և ինչու է այն համարվում վտանգավոր երևույթ։ Խոսվեց նաև ատելության խոսքի հիմքերի ու դրսևորումների մասին, առանձնահատուկ ուշադրություն դարձվեց գենդերային ատելության խոսքին։ Մասնակիցները նաև անդրադարձան ապատեղեկատվության և մանիպուլյացիաների դերին ընտրական գործընթացներում՝ փորձելով հասկանալ, թե ինչպես են դրանք ազդում հանրային ընկալումների և որոշումների վրա։
Միջավայրը ակտիվ էր և քննարկումներով հագեցած․ մասնակիցները ներգրավված էին հարցադրումներով ու սեփական դիտարկումներով, ինչը նպաստեց թեմաների ավելի խորքային ընկալմանը։
Դասընթացն իրականացվել է Ռաուլ Վալենբերգ մարդու իրավունքների և մարդասիրական իրավունքի ինստիտուտի կողմից՝ ՄԱԿ-ի Զարգացման ծրագրի (UNDP) Հայաստանյան գրասենյակի ֆինանսավորմամբ՝ ARTEMIS ծրագրի շրջանակում։
