ԵՄՀ «Դիզայն» կրթական ծրագրի ուսանողները մանկավարժական գիտությունների թեկնածու Գագիկ Ավետիսյանի և դոցենտ Արգիշտի Խաչատրյանի ղեկավարությամբ հագեցած ու ստեղծագործական պլենեռային պրակտիկա են անցկացրել Հայաստանի պատմամշակութային գոհարներից մեկում՝ Բջնիում:
Ուսումնական այցի ընթացքում ապագա դիզայներները․
– Ուսումնասիրել և պատկերագրել են միջնադարյան ամրոցի պատմությունն ու արտաքին պարիսպների ճարտարապետական առանձնահատկությունները:
– Այցելել են Սուրբ Աստվածածին և Սուրբ Սարգիս եկեղեցիներ՝ տեղում վերլուծելով ճարտարապետական հորինվածքներն ու վիմագիր արձանագրությունները:
– Ամրապնդել են տեսական գիտելիքները՝ զարգացնելով հեռանկարային կառուցման, դիտողական, գծանկարչական և տարածական ընկալման մասնագիտական հմտությունները:
– Մասնակցել են տոնին. Պրակտիկան համընկել էր Բջնիի տոնակատարության հետ, ինչը հնարավորություն տվեց ուսանողներին ուղղակիորեն հաղորդակից դառնալ տեղի մշակութային ավանդույթներին:
Նմանատիպ պլենեռային պրակտիկաները կրելու են շարունակական բնույթ՝ ընդգրկելով մեր երկրի պատմամշակութային նոր հուշարձաններ և ընդլայնելով ուսանողների հետազոտական ու մասնագիտական հորիզոնները։
