Erasmus+ միջազգային փոխանակման ծրագրի առանձնահատկություններին ծանոթացան ԵՄՀ բակալավրիատի ուսանողները

Ս․թ․ նոյեմբերի 3-ին Եվրասիա միջազգային համալսարանի Միջազգային կապերի կենտրոնը ևս մեկ անգամ  կազմակերպեց հանդիպում Erasmus+  միջազգային փոխանակման ծրագրի առանձնահատկությունների վերաբերյալ: Այս անգամվա հանդիպումն իրականացվեց  բուհի բակալավրիատի ուսանողների համար: Առցանց հարթակում ներկա էին միջազգային շարժունության ծրագրերով հետաքրքրվածները:

Հանդիպման սկզբում ԵՄՀ Միջազգային կապերի կենտրոնի ղեկավար Նունե Ջոմարդյանը ուսանողներին նախ ներկայացրեց էրազմուս+ ծրագրի էությունը,  խոսեց դիմումների հայտագրման վերջնաժամկետների, մրցութային ընթացքի, կրեդիտների փոխճանաչման, հնարավոր դժվարությունների և ձեռքբերումների, ծրագրի արտոնությունների մասին: Բանախոսը  ներկայացրեց նաև կրթական պայմանագրի էությունն ու կարևորությունը, հանգամանալից անդրադարձավ պայմանագրում ամրագրված կետերին:

Բակալավրիատի ուսանողներին Ն.Ջոմարդյանը ներկայացրեց Արիստոտելի համալսարանը (Հունաստան), այդ համալսարանի առավելություններն ու առանձնահատկությունները, հանգամանալից խոսեց նաև Արիստոտելի համալսարանի  փոխանակման ծրագրի մրցութային առանձնահատկությունների մասին:

Մասնակիցները  Ն.Ջոմարդյանին ուղղեցին բազմաբնույթ պարզաբանող հարցեր:

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն