#ԳՈՐԾԿԱ․ Բուհի առաջարկ, աշխատաշուկայի պահանջարկ

30-ից ավելի պետական և մասնավոր ոլորտի հեղինակավոր ընկերություններն ու աշխատանք փնտրող հարյուրավոր ուսանողները միմայնաց հանդիպեցին Եվրասիա միջազգային համալսարանում՝ ամենամյա «Կարիերայի օր» նախագծի շրջանակում:

«Բուհի առաջարկ, աշխատաշուկայի պահանջարկ» խորագիրը կրող միջոցառմանը Հայաստանի առաջատար 30-ից ավելի գործատուները համալսարանի ընդարձակ սրահներում համապատասխան տաղավարներով ներկայացրեցին իրենց ընկերությունները, միաժամանակ լսարաններում անցկացվեցին բազմաթիվ մասնագիտական վարպետության դասեր, որոնց ընթացքում ուսանողները ծանոթացան համապատասխան ոլորտի ձեռքբերումներին և արդի խնդիրներին:

Միջոցառման նպատակը ուսանողներին և երիտասարդ մասնագետներին աշխատաշուկայի նոր պահանջներին իրազեկելն էր, նրանց տեական և գործնական բնույթի լրացուցիչ մասնագիտական խորհրդատվության տրամադրումը և գործատուների հետ անմիջական երկխոսության յուրօրինակ հարթակի ստեղծումը, որը կնպաստի աշխատաշուկայում ուսանողների մրցունակության բարձրացմանը:

ԵՄՀ ռեկտոր, աշխ. գիտ. դոկտոր, պրոֆեսոր Սուրեն Օհանյանը բացելով միջոցառումը՝ ասաց. «Այսօր Եվրասիա միջազգային համալսարանում տեղի է ունենում գործատուի և մասնագիտական շուկայի միջև յուրահատուկ հանդիպում, որտեղ մարդիկ կկարողանան դեմառդեմ շփվել միմյանց հետ, հարցեր ուղղել և ստանալ պատասխաններ: Հնարավոր է նաև աշխատանք գտնել, իսկ գործատուներն էլ՝ իրենց ծրագրերին համապատասխան մասնագետներ: Այսպիսով, հարթակ է ձևավորվել փոխադարձ համագործակցության համար՝ բուհի առաջարկ և աշխատաշուկայի պահանջարկ: Տարիներ շարունակ մենք կազմակերպել ենք կարիերայի օր միջոցառումը, բայց այս տարի այն աննախադեպ է մասնակիցների և այցելուների ակտիվությամբ»:

Գործատուների միության նախագահ Գագիկ Մակարյանը ողջունեց մասնակիցներին և հավելեց. «Սիրելի երիտասարդներ՝ աշխատաշուկան սպասում է ձեզ: Հաշվի առնելով աշխատաշուկայի փոփոխությունները, պետք է արագ արձագանքել մարտահրավերներին, ունենալ նոր մոտեցումներ, տարբեր միջոցառումներ և առաջարկներ»:

Երկուստեք նշեցին, որ կարևոր է կրթությունը մոտեցնել տնտեսությանը, աշխատաշուկան ավելի զարգացնել, նաև մաղթեցին, որ գործատուները հանդիպեն իրենց ապագա աշխատակիցներին:

ՄՍԾ զբաղվածության ապահովման և աշխատանքային ներուժի զարգացման վարչության գործատուների հետ համագործակցության և աշխատանքային միգրացիայի բաժնի պետ Հրայր Հակոբյանը նշեց՝ մեկ հարկի տակ համախմբելով գործընկեր կազմակերպությունների և ուսանողների՝ ընկերություններին հնարավորություն է տալիս ձևավորել գործընկերային հարաբերություններ, հավաքագրել պոտենցիալ մասնագետների և ստեղծել թափուր աշխատատեղերին հավակնող թեկնածուների բազա, իսկ դիմորդներին՝ հանդիպել իրենց ապագա գործատուներին: Միասնական սոցիալական ծառայությունը բարձր է գնահատում աշխատանքային հնարավորություններ ստեղծելուն միտված այս նախաձեռնությունը:

Միջոցառման բացման հանդիսավոր արարողության երաժշտական մասը վստահված էր Ստեփան Ջրբաշյանի անվան երաժշտական դպրոցի տաղանդավոր սաներին:

«ԱԲ-ն կարիերայի կենտրոններում». ինտերակտիվ աշխատարան

Նոյեմբերի 20-ին Եվրասիա միջազգային համալսարանում կայացավ «ԱԲ-ն կարիերայի կենտրոններում» ինտերակտիվ աշխատարանը։ Այն նախատեսված էր Մասնագիտական կրթության և ուսուցման (ՄԿՈՒ) հաստատությունների կարիերայի պատասխանատուների համար։ Աշխատարանը վարեց

Բանավեճը՝ որպես ապագա իրավաբանների մասնագիտական մտածողության ձևավորման միջոց

«Քրեական իրավունք» առարկայի շրջանակում, ԵՄՀ Իրավագիտության ամբիոնի վարիչ, իրավաբանական գիտությունների թեկնածու Ադելինա Սարգսյանի նախաձեռնությամբ և ղեկավարությամբ, տեղի ունեցավ ուսանողական բանավեճ՝ «Քրեական պատասխանատվության նվազագույն տարիքի իջեցումը»

Ուսանողական ինքնակառավարում. անցած ուղուց՝ դեպի վերափոխման հեռանկարներ. ԵՄՀ-ում կայացավ ուսանողի միջազգային օրվան նվիրված համաժողովը

Նոյեմբերի 16-ին Եվրասիա միջազգային համալսարանում (ԵՄՀ) կայացավ «Ուսանողական ինքնակառավարման հիմնախնդիրները Հայաստանի Հանրապետությունում. նոր հնարավորություններ և մարտահրավերներ» խորագրով համաժողովը՝ նվիրված Ուսանողի միջազգային օրվան։ Մեկ հարթակում համախմբվեցին