Մայիսի 22-ին ԵՄՀ-ում կայացավ բաց դռների օր, որը նվիրված «Քաղաքագիտություն. ինտեգրացիա և կառավարում» մագիստրոսական ծրագրին (Joint Master in Political Science – Integration and Governance – PoSIG)։ Հանդիպման ընթացքում մասնակիցները ծանոթացան ծրագրի կառուցվածքին, ուսուցման առանձնահատկություններին, միջազգային համագործակցության հնարավորություններին, ինչպես նաև քննարկեցին պրակտիկայի, կարիերայի զարգացման և հետագա մասնագիտական գործունեության հետ կապված կարևոր հարցեր։
Ներկայացվեց, թե ինչ գիտելիքներ և հմտություններ են ձեռք բերում ծրագրի ուսանողները, ինչպես է ծրագիրը համատեղում տեսական և գործնական կրթությունը, և ինչ հնարավորություններ է բացում պետական կառավարման, միջազգային կազմակերպությունների, հետազոտական կենտրոնների, քաղաքացիական հասարակության և մասնավոր հատվածի ոլորտներում մասնագիտական գործունեություն ծավալելու համար։
Շնորհակալություն ենք հայտնում Բաց դռների օրվա բոլոր մասնակիցներին հետաքրքրվածության, ակտիվ հարցերի և բովանդակալից քննարկումների համար։ Վստահ ենք, որ այս հանդիպումը շատերի համար կարևոր քայլ դարձավ մասնագիտական զարգացման և ապագա կրթական ընտրության ճանապարհին։
Նշենք, որ ծրագիրը ԵՄՀ-ում ներդրվել է ԵՄ կողմից համաֆինանսավորվող Էրազմուս+ ծրագրի JOPSCIP (“Curriculum Development – Joint MA Program in Political Science”) նախագծի շրջանակում
#JOPSCIP #POSIG #Political_Science #EIU
