Կարևորելով գիտակրթական կլաստերի կազմավորմանը ուղղված գործակցային հարաբերությունների ընդլայնումը և հետամուտ լինելով կրթության որակի բարձրացմանը միտված իր որդեգրած քաղաքականությանը՝ Եվրասիա միջազգային համալսարանը ստորագրեց համագործակցության պայմանագիր ՀՀ ԳԱԱ Հր. Բունիաթյանի անվան կենսաքիմիայի ինստիտուտի հետ:
Այսուհետ, պայմանագրի շրջանակում «Ֆարմացիա» («Դեղագիտություն») մասնագիտության ուսանողները հնարավորություն կունենան մասնագիտական պրակտիկա անցնելու կենսաքիմիայի ինստիտուտում, կներգրավվեն ինստիտուտի գիտահետազոտական և կամավորական աշխատանքներում, հետազոտական նախագծերում, գիտաժողովներում:
Համագործակցությունը հնարավորություն կտա նաև մեկտեղել տեսական դասերը գործնականի հետ:
Հանդիպման ընթացքում ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանը և ՀՀ ԳԱԱ Հր. Բունիաթյանի անվան կենսաքիմիայի ինստիտուտի տնօրեն, կենսաբանական գիտ.դոկտոր Սամվել Չաիլյանը քննարկեցին երկու կազմակերպությունների միջև համագործակցության եզրերը:
Հանդիպումն ամփոփվեց Եվրասիա միջազգային համալսարանում իրականացված ճանաչողական շրջայցով:
