Նոր կրթական հնարավորություններից մինչև COP17․ կայացավ ԵՄՀ գիտական խորհրդի հերթական նիստը

Սեպտեմբերի 30-ին կայացած նիստում Եվրասիա միջազգային համալսարանի գիտական խորհուրդն անդրադարձավ կրթական ծրագրերի զարգացմանը, միջազգային համագործակցությանը և համալսարանի գործունեության կազմակերպմանը։

Հաստատվեցին լրացուցիչ կրթության մոդուլային երկու ծրագիր, որոնք հնարավորություններ են ստեղծում թվային ոլորտում մասնագիտական գիտելիքները խորացնելու և դասավանդողների հմտությունները զարգացնելու համար։

Հաստատվեց նաև Erasmus+ SIN-NEC նախագծի շրջանակում իրականացվող «Կրթության, արհեստական բանականության (ԱԲ) կիրառման մեթոդներ և «կանաչ» հաղորդակցության գործիքներ» վիրտուալ փոխանակման ծրագիրը՝ համատեղ ուսուցման և միջազգային փորձի փոխանակման նոր հնարավորություններով։

Նիստի առանցքային հարցերից էր ԵՄՀ միջազգային և զարգացման ծրագրերի ընթացքի ներկայացումը։ Ռազմավարական զարգացման և արտաքին կապերի գծով պրոռեկտոր Էդգար Ամիրխանյանը հանգամանալից զեկույցով անդրադարձել է համալսարանի կողմից իրականացվող խոշոր միջազգային նախագծերին, մասնավորապես՝ KPI4HE («Էրազմուս+» ԿԱՑ ազգային շրջանակ), SIN_NEC, EU-BRIDGE, JOPSCIP և MICROGIER ծրագրերին։

Զեկույցում մանրամասն ներկայացվել են նշված նախագծերի շրջանակում իրականացվող ընթացիկ աշխատանքները, նախատեսվող միջոցառումները և ծրագրային դրույթները: Կարևորվել է միջազգային նախագծերից ստացված փորձառության և լավագույն պրակտիկայի գործնական ներդրումը ԵՄՀ կրթական ծրագրերում և առօրյա աշխատանքներում՝ ուղղված կրթության որակի բարելավմանը, ինչպես նաև ներառական, թվային ու կանաչ միջավայրի ձևավորմանը:

Խորհուրդն անդրադարձավ նաև գիտական աշխատանքների հրատարակմանն ու համալսարանի ներքին աշխատանքների կազմակերպմանը՝ ընդունելով համապատասխան որոշումներ։

Առանձին ուշադրության արժանացան COP17-ին ընդառաջ իրականացվող աշխատանքները։ Ներկայացվեց Կանաչ գոտու սեսիաներին ԵՄՀ մասնակցության նախապատրաստական աշխատանքների ընթացքը։ Քննարկվեցին նաև համաժողովի օրերին ուսումնական գործընթացի կազմակերպման և համալսարանի բնականոն գործունեության ապահովման հարցերը։

«ԱԲ-ն կարիերայի կենտրոններում». ինտերակտիվ աշխատարան

Նոյեմբերի 20-ին Եվրասիա միջազգային համալսարանում կայացավ «ԱԲ-ն կարիերայի կենտրոններում» ինտերակտիվ աշխատարանը։ Այն նախատեսված էր Մասնագիտական կրթության և ուսուցման (ՄԿՈՒ) հաստատությունների կարիերայի պատասխանատուների համար։ Աշխատարանը վարեց

Բանավեճը՝ որպես ապագա իրավաբանների մասնագիտական մտածողության ձևավորման միջոց

«Քրեական իրավունք» առարկայի շրջանակում, ԵՄՀ Իրավագիտության ամբիոնի վարիչ, իրավաբանական գիտությունների թեկնածու Ադելինա Սարգսյանի նախաձեռնությամբ և ղեկավարությամբ, տեղի ունեցավ ուսանողական բանավեճ՝ «Քրեական պատասխանատվության նվազագույն տարիքի իջեցումը»

Ուսանողական ինքնակառավարում. անցած ուղուց՝ դեպի վերափոխման հեռանկարներ. ԵՄՀ-ում կայացավ ուսանողի միջազգային օրվան նվիրված համաժողովը

Նոյեմբերի 16-ին Եվրասիա միջազգային համալսարանում (ԵՄՀ) կայացավ «Ուսանողական ինքնակառավարման հիմնախնդիրները Հայաստանի Հանրապետությունում. նոր հնարավորություններ և մարտահրավերներ» խորագրով համաժողովը՝ նվիրված Ուսանողի միջազգային օրվան։ Մեկ հարթակում համախմբվեցին