Լեզուների, հաղորդակցության և մանկավարժության ամբիոնը իրականացրել է բազմաբնույթ միջոցառումներ

Եվրասիա միջազգային համալսարանի Լեզուների, հաղորդակցության և մանկավարժության ամբիոնը 2024-2025 ուստարվա երկրորդ կիսամյակում իրականացրել է բազմաբնույթ կրթական, գիտահանրամատչելի և համագործակցային միջոցառումներ, որոնք նպատակ են ունեցել խթանել ուսանողների գիտելիքների հարստացումը, մասնագիտական հմտությունների զարգացումը և կրթական միջավայրի ընդլայնումը։

· Մարտի 13-14 – Եվրասիա միջազգային համալսարանում անցկացվեց ամենամյա «Բաց դռների օր» նախագիծը «Բուհի առաջարկ, աշխատաշուկայի պահանջարկ» խորագրով։ Ամբիոնի վարիչ Անի Թամազյանը հանդես եկավ դասախոսությամբ՝ ներկայացնելով ամբիոնի գործունեությունը և լեզվաբանական կրթության կիրառական արժեքը։

· Ապրիլի 1 – «Ունկնդրման և բանավոր խոսքի զարգացման հմտությունների» դասընթացի շրջանակում երրորդ կուրսի ուսանողները դասախոս, բ.գ.թ. Իրինա Մխիթարյանի նախաձեռնությամբ մասնակցեցին ուսուցողական և ստեղծագործական դասի։ Դասընթացը համադրեց Վան Գոգի արվեստի ընկալումն ու ստեղծագործական հմտությունների զարգացումը․ ուսանողները ծանոթացան նկարչի կենսագրությանը և գեղարվեստական ոճին, ապա ստեղծեցին իրենց «Արևածաղիկները»՝ փորձելով կիրառել վանգոգյան վրձնահարվածներն ու գունային լուծումները։

· Ապրիլի 17 – ԵՊՀ Միջմշակութային հաղորդակցության անգլերենի ամբիոնի հետ համատեղ կազմակերպվեց առցանց դասախոսություն՝ «Աֆրոամերիկյան խոսակցական անգլերեն» թեմայով։ Դասախոս՝ Ջոն Լեթհեմ-Սփրինքլ (Գենտի համալսարան)։

· Ապրիլին – Erasmus+ շարժունության ծրագրի շրջանակում ԵՄՀ-ն հյուրընկալեց Սանտիագո դե Կոմպոստելայի համալսարանի (Իսպանիա) Անգլերեն և գերմաներեն բանասիրության ամբիոնի պրոֆեսոր Դոլորս Սաբատե Պլանեսին։ Նա հանդես եկավ «Գենդերային և մշակութային ուսումնասիրություններ» և «Erasmus ծրագրի հնարավորությունները Սանտիագո դե Կոմպոստելայի համալսարանում» թեմաներով դասախոսություններով։ Այս ակադեմիական համագործակցությունը վկայեց ԵՄՀ-ի և Սանտիագո դե Կոմպոստելայի համալսարանի միջև ձևավորված ամուր գործընկերության մասին՝ նպաստելով միջազգայնացմանը և գիտելիքների փոխանակմանը։

· Մայիսին – ԵՄՀ հյուրընկալեց «Սմարթ Չոյս» լեզուների ուսուցման միջազգային կենտրոնի հիմնադիր տնօրեն, մ.գ.թ. Սվետլանա Կարապետյանին և Կիպրոսի «Կասա» քոլեջի գործադիր տնօրեն Էլինա Սավերիադեսին, որոնք հանդես եկան մոտիվացիոն դասախոսությամբ՝ «Անձնագիր դեպի աշխարհ»։ Ներկայացվեցին լեզվի կարևորությունը ուսման և ճամփորդության ընթացքում, ինչպես նաև Կիպրոսում կրթության հեռանկարները։

· Մայիսին – Ամբիոնի վարիչ, բ.գ.թ. Անի Թամազյանը անցկացրեց սեմինար-քննարկում՝ նվիրված էսսեի կառուցվածքին, տեսակներին և գրելու ռազմավարություններին։

· Մայիսին – Կազմակերպվեց հանրային դասախոսություն «Արդարադատության պատմություններ. ինչպես է գրականությունը ձևավորում իրավական գիտակցությունը և օրենքի հանրային ընկալումը» թեմայով։ Բանախոս՝ բ.գ.թ. Տաթևիկ Կարապետյան (ԵՄՀ դասախոս, միջազգային արբիտր, Resolve academy-ի համահիմնադիր և տնօրեն)։

· Մայիսին – ԵՄՀ հյուրընկալեց Երևանի թիվ 170 դպրոցի աշակերտներին։ Ամբիոնի վարիչ Անի Թամազյանը հանդես եկավ «Օտար լեզուների իմացությունը որպես հաջողության գրավական» թեմայով դասախոսությամբ և պատասխանեց աշակերտների հարցերին։ Շրջայցը նպաստեց աշակերտների մասնագիտական կողմնորոշմանը։

· Հունիսին – Ամբիոնը ԵՄՀ միջազգային բաժնի հետ կազմակերպեց հանրային դասախոսություն՝ «Challenges in Scholarly Publishing and Research. The RECONFEM/ iHUs/ Discourse and Identity Projects» խորագրով։ Միջազգային փորձն ու հնարավորությունները ներկայացրեց Իսպանիայի Սանտիագո դե Կոմպոստելա համալսարանի նախկին պրոռեկտոր Վարելա Սապատան