Հիշատակի ցերեկույթ՝ նվիրված պատերազմի քաջ հայորդիներին

Երդմանը հավատարիմ. անձնվիրաբար ծառայեցին հայրենիքին՝ Հայաստանի Հանրապետությանը, և հանուն նրա չխնայեցին կյանքը: Նրանք հավերժացան հայոց լեռներում՝ ՝ հաղթանակի հավատը սրտում պահած: Նրանց միավորեց մեկ առաքելություն. արյամբ գրեցին Հայոց պատմության նոր էջը՝ սերունդներին ավետելով հզոր հայրենիք կառուցելու գաղափարախոսությունը:
Նրանք էին՝
• Գարիկ Մովսիսյան
• Արթուր Հարությունյան
• Նարեկ Հովհաննիսյան
• Պավել Մանուկյան
• Սարգիս Սարգսյան
• Սուրեն Համբարձումյան
• Վարդան Պետրոսյան
 
Այսօր Եվրասիա ավագ դպրոց-վարժարանի աշակերտներն իրենց հարգանքի տուրքը մատուցեցին Արցախի համար մղվող պայքարում զոհված զինվոր-ուսանողների հիշատակին: Երախտիքի խոսքեր, հույզեր… Եվրասիա միջազգային համալսարանի բեմից հնչեցին ռազմահայրենասիրական ստեղծագործություններ, աշակերտները ներկայացրին պատերազմի մասնակիցների՝ անփոխարինելի զինվորականի անցած մարտական ուղին ու հերոսական պայքարը, նրանց անմնացորդ նվիրումը Հայրենիքին։
 
Պատերազմում զոհվածների հուշապատի մոտ ծաղիկներ խոնարհեց ԵՄՀ ռեկտոր, աշխ. գիտ.դոկտոր, պրոֆեսոր Սուրեն Օհանյանը: Իր խոսքում ռեկտոր Օհանյանը շնորհակալություն հայտնեց բոլոր մասնակիցներին և նշեց․ «Մենք բոլորս մեկ ընդհանուր ցավ ապրեցինք, և այսօր էլ շատ դժվար է խոսել այդ մասին: Այս միջոցառման նպատակն էր ևս մեկ անգամ հիշել մեր քաջերի սխրագործությունները: Մեր յոթ անմահացած ուսանողներն էլ աչքի էին ընկնում իրենց զսպվածությամբ, խոհեմությամբ, իրենց մեջ կար ազգի նկատմամբ ունեցած սերը: Ինչպես մեծերն են ասում՝ գիտակցված մահն անմահություն է: Եվ իսկապես, նրանցից մի քանիսի հետ իմ ունեցած անձնական զրույցներում ակնառու էր, որ նրանք գիտակցված են գնում պատերազմի՝ իրենց հողն ու ջուրը պաշտպանելու՝ անգամ կյանքը տալուն պատրաստ: Սրանից մեծ հերոսություն չի կարող լինել: Նրանք գիտակցված իրենց կյանքը զոհաբերեցին, որպեսզի մենք ապրենք, որպեսզի մեր երկիրը հարատևի»:
 
«Հավերժ փա՛ռք հայ զինվորին»,- այս խոսքերով ամփոփվեց օրվա խորհուրդը կրող ցերեկույթը, որին ներկա էին նաև պատերազմի մասնակից ԵՄՀ ուսանողները, ովքեր այսօր շարունակում են իրենց բարձրագույն կրթությունը:

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն