Հետազոտական կարողությունների զարգացմանն ուղղված վարպետության դասերի շարք` իրավագիտության ամբիոնի ուսանողների համար

Ս.թ․ փետրվարի 2-ին Եվրասիա միջազգային համալսարանի իրավագիտության ամբիոնը մեկնարկեց ուսանողների հետազոտական կարողությունների զարգացմանը, ավարտական աշխատանքների և մագիստրոսական թեզերի գրելուն ուղղված հնգօրյա առցանց վարպետության դասերի շարքը։
 
Դասընթացները վարելու համար ամբիոնը համաձայնություն էր ձեռք բերել Արդարադատության համառուսական պետական համալսարանի (Ռուսաստանի Արդարադատության նախարարության ԱՀՊՀ) քաղաքացիական և գործարարական իրավունքի ամբիոնի դոցենտ, իրավաբանական գիտությունների թեկնածու Անի Ստեփանյանի հետ։
Առցանց վարպետության դասընթացներին Ա․ Ստեփանյանը անդրադարձավ հետազոտական աշխատանքների թեմայի արդիականությանը, նպատակն ու խնդիրները սահմանելու հմտություններին, աշխատանքի վերջնական կանխատեսվող արդյունքի, թեմայի վերաբերյալ գիտական գրականության և իրականացված հետազոտությունների վերլուծության նրբություններին։ Դասընթացների հիմնական մասը նվիրված էր հետազոտության որակական ու քանակական մեթոդներին, հատկապես՝ որակական համակարգակառուցվածքային, իրավահամեմատական, նորմատիվ նյութի դասակարգման և նախադեպերի վերլուծության առանձնահատկություններին:
Դասընթացների ընթացքում ուսանողներից մի քանիսի հետազոտական աշխատանքների օրինակներով մանրամասն ներկայացվեցին մեթոդների ընտրման ու կիրառման եղանակները։
 
Ա․ Ստեփանյանը անդրադարձավ հետազոտության հիմնական արդյունքներին, ինչպես նաև այդ արդյունքների մեկնաբանությանը, գիտական նորույթին, հետազոտության արժեքայնությանը։

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն