Կայացավ տեղեկատվական հանդիպում՝ Ժան Մոնե գործողությունների վերաբերյալ։

«Էրազմուս+ տեղեկատվական օրեր 2023» միջոցառումների շարքի շրջանակներում դեկտեմբերի 15-ին Եվրասիա միջազգային համալսարանում կայացավ տեղեկատվական հանդիպում՝ Ժան Մոնե գործողությունների վերաբերյալ։

Հանդիպումը մեկնարկեց Հայաստանում Էրազմուս+ ազգային գրասենյակի համակարգող Լանա Կառլովայի ողջույնի խոսքով, ով մասնակիցներին տեղեկացրեց Էրազմուս+ 2024թ․ Առաջարկների մրցույթի բացման մասին, հակիրճ ներկայացրեց Հայաստանի համար հասանելի Էրազմուս+ գործողությունները և դրանց վերջնաժամկետները։

Իսկ հանդիպման հիմնական խոսնակն էր Եվրասիա միջազգային համալսարանի «Իրավաբանության» ամբիոնի վարիչ Աննա Խվորոստիանկինան, ով բավականին մեծ փորձ ունի Ժան Մոնե նախագծերի կազմման և իրականացման գործում, մասնավորապես՝ հանդիսանում է «EUSecJuris» Ժան Մոնե մոդուլի ակադեմիական համակարգողը  և «ԵՄ իրավական հետազոտություններ և իրավական եվրոպականացում» Ժան Մոնեի ամբիոնի ղեկավարը։

Հանդիպմանը մասնակցում էին հայաստանյան բուհերի միջազգային կապերով զբաղվող բաժինների ներկայացուցիչներ, ինչպես նաև ԵՄ ուսումնասիրությունների ոլորտում մոդուլների ստեղծմամբ հետաքրքրված ակադեմիական անձնակազմի մի շարք ներկայացուցիչներ։

Աննա Խվորոստիանկինան նրանց ներկայացրեց, թե որոնք են Ժան Մոնե գործողությունները, ֆինանսավորման ինչպիսի հնարավորություններ են առկա, և որոնք են դրանց դիմելու պայմանները, ինչպես նաև կիսվեց մասնակիցների հետ սեփական փորձով՝ ներկայացնելով իր կողմից համակարգվող Ժան Մոնե մոդուլի ու ամբիոնի առանձնահատկությունները։

Հանդիպման ընթացքում ներկայացված պրեզենտացիաները կարող եք գտնել ներքևում։

Հանդիպման ավարտին մասնակիցների և խոսնակի միջև ծավալվեց ակտիվ հարց ու պատասխան։

Հիշեցնենք, որ Ժան Մոնե գործողությունների վերջնաժամկետը 2024թ․ փետրվարի 1-ն է։

«ԱԲ-ն կարիերայի կենտրոններում». ինտերակտիվ աշխատարան

Նոյեմբերի 20-ին Եվրասիա միջազգային համալսարանում կայացավ «ԱԲ-ն կարիերայի կենտրոններում» ինտերակտիվ աշխատարանը։ Այն նախատեսված էր Մասնագիտական կրթության և ուսուցման (ՄԿՈՒ) հաստատությունների կարիերայի պատասխանատուների համար։ Աշխատարանը վարեց

Բանավեճը՝ որպես ապագա իրավաբանների մասնագիտական մտածողության ձևավորման միջոց

«Քրեական իրավունք» առարկայի շրջանակում, ԵՄՀ Իրավագիտության ամբիոնի վարիչ, իրավաբանական գիտությունների թեկնածու Ադելինա Սարգսյանի նախաձեռնությամբ և ղեկավարությամբ, տեղի ունեցավ ուսանողական բանավեճ՝ «Քրեական պատասխանատվության նվազագույն տարիքի իջեցումը»

Ուսանողական ինքնակառավարում. անցած ուղուց՝ դեպի վերափոխման հեռանկարներ. ԵՄՀ-ում կայացավ ուսանողի միջազգային օրվան նվիրված համաժողովը

Նոյեմբերի 16-ին Եվրասիա միջազգային համալսարանում (ԵՄՀ) կայացավ «Ուսանողական ինքնակառավարման հիմնախնդիրները Հայաստանի Հանրապետությունում. նոր հնարավորություններ և մարտահրավերներ» խորագրով համաժողովը՝ նվիրված Ուսանողի միջազգային օրվան։ Մեկ հարթակում համախմբվեցին