Եվրասիա միջազգային համալսարանը վերակնքեց համագործակցության պայմանագիրը Երևանի թեթև արդյունաբերության պետական քոլեջի հետ:
Համագործակցության պայմանագիրը կնքելուց հետո կողմերը շնորհավորեցին միմյանց՝ համոզմունք հայտնելով, որ համատեղ մշակված ծրագրերով կնպաստեն մասնագիտական կրթության արդյունավետության բարձացմանը:
«Եվրասիա միջազգային համալսարանը որդեգրել է կրթության որակի բարձրացմանը միտված քաղաքականություն, և ելնելով հասարակության առջև ստանձնած սոցիալական պատասխանատվության իր հայեցակարգից, մշտապես կենսագործում է ժամանակի մարտահրավերներին համահունչ ծրագրեր: Խորացնելով արդեն իսկ առկա համագործակցությունը՝ մենք հնարավորություն կունենանք դեռևս ուսման ժամանակահատվածում լավագույնս նպաստելու քոլեջի սաների մասնագիտական կողմնորոշման և կարիերայի պլանավորմանը, կրթական գործընթացների արդյունավետության բարձրացմանը»,- նշեց ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանը:
«Համոզված ենք, որ վերահաստատելով արդեն իսկ առկա համագործակցությունը, առաջավոր փորձի փոխանակման միջոցով մենք համատեղ կնպաստենք մեր սովորողների մասնագիտական կրթության խնդիրների լուծմանը»,- բարձր գնահատելով ԵՄՀ պատրաստակամությունը՝ նշեց քոլեջի տնօրեն Արտակ Սարգսյանը:
