ԵՄՀ-ն դինամիկ բուհ է.այստեղ անընդհատ վերանայվում են կրթական գործընթացները. Մարինե Ղահրամանյան

ԵՄՀ Նախագծերի կառավարման և ՏՏ ծրագրերի համակարգող, տնտեսագիտության թեկնածու Մարինե Ղահրամանյան

——————————————————————

Խնդրում ենք նշել երեք պատճառ, թե ինչու՞ եք աշխատում ԵՄՀ-ում: 

• Ինձ համար համալսարանում աշխատելը ինքնաիրացման և մասնագիտական աճի հնարավորության ապահովումն է, որը պայմանավորված է համալսարանի դինամիկ լինելով, կրթական գործընթացների, ուսումնական ծրագրերի անընդհատ վերահսկմամբ և շուկայի ժամանակակից միտումներին ու պահանջներին վերջինիս հարմարեցմամբ: Անընդհատ վերանայվում են նոր առարկաների դասավանդման հնարավորությունները, թարմացվում են առարկայական ծրագրերը:
• Այդ ամենը դրդում է դասախոսներին պարբերաբար և ակտիվորեն հետևել նոր մեթոդներին և տեխնոլոգիաներին: Այս քաղաքականության և ռազմավարության արդյունքում համալսարանը ներգրավում է լավագույն արհեստավարժ կադրերին, որի արդյունքում ձևավորվում են մասնագիտական ​​թիմեր, իրականացվում են հետաքրքիր հետազոտական ​​նախագծեր:
• Եվ ամենակարևոր պատճառը՝ ինչու եմ ես աշխատում մեր համալսարանում. այստեղ տիրում է ընկերական, բարեհամբույր և հաճելի մթնոլորտ:

Ի՞նչ խորհուրդ կտաք դիմորդին մասնագիտություն ընտրելիս, ինչպե՞ս կողմնորոշվել:

Երբ աշակերտներն ու ապագա ուսանողներն ինձ այդպիսի հարց են տալիս, ես առաջին հերթին խորհուրդ եմ տալիս, որ հենց իրենք փորձեն պատասխանել այն հարցին՝ ի՞նչ են ուզում իրենք՝ դիմորդները, կյանքում, որն է իրենց հաճույք պատճառում:  Դրանից հետո փորձեն հասկանալ այն միջավայրը, շրջապատը, թե ինչ առաջարկներ և միտումներ կան շուկայում: Եվ վերջին փուլը. փորձեն համատեղել այս երկու միտումները և ընտրություն կատարել:

Ի՞նչ խորհուրդ եք սովորաբար տալիս Ձեր ուսանողներին՝ ապագա հաջողակ կարիերա կառուցելու համար։

Շարունակելով նախորդ հարցը` ես կցանկանայի ասել, որ համալսարանում դասավանդվում է մի շատ հետաքրքիր առարկա՝ «Մասնագիտական կողմնորոշում», որի շրջանակներում մենք մեր ուսանողներն ուղղորդում ենք մասնագիտական ​​կողմնորոշման: Մինչդեռ եթե ցածր կուրսերում այդ  դասընթացների ընթացքում, կիրառելով և օգտագործելով տարբեր տեխնիկաներ, մեթոդներ և գործիքներ, մենք օգնում ենք ուսանողին ընտրել ճիշտ մասնագիտացում, ապա բարձր կուրսերի ուսանողներին օգնում ենք կառուցել ապագա կարիերա, որի հիմքը դրվում է հենց համալսարանում սովորելու տարիներին: