«Հայերենը որպես օտար լեզու. դասավանդման ժամանակակից մոտեցումները, մարտահրավերները և լավագույն փորձը» խորագրով կլոր սեղան-քննարկում

Եվրասիա միջազգային համալսարանի Լեզուների, հաղորդակցության և մանկավարժության ամբիոնի նախաձեռնությամբ տեղի ունեցավ «Հայերենը որպես օտար լեզու. դասավանդման ժամանակակից մոտեցումները, մարտահրավերները և լավագույն փորձը» խորագրով կլոր սեղան-քննարկում։

Միջոցառումը համախմբել էր հայերենը որպես օտար լեզու դասավանդող մասնագետների, հետազոտողների և ոլորտի հետաքրքրասերների՝ մասնագիտական փորձի փոխանակման, արդի մոտեցումների քննարկման և հետագա համագործակցության հնարավորությունների ուրվագծման նպատակով։

Քննարկումը բացեց ԵՄՀ Լեզուների, հաղորդակցության և մանկավարժության ամբիոնի վարիչ, դոցենտ, բ.գ.թ. Անի Թամազյանը։ Իր խոսքում նա կարևորեց օտարերկրացիներին հայերենի ուսուցման և լեզվի տարածման դերը՝ ընդգծելով, որ այն խթանում է ոչ միայն լեզվական, այլև մշակութային հաղորդակցությունն ու փոխըմբռնումը։

Հանդիպումն անցկացվեց միջբուհական համագործակցության ձևաչափով․ մասնակցում էին Եվրասիա միջազգային համալսարանի, Հայաստանի պետական տնտեսագիտական համալսարանի և Սարիբեկյանի անվան միջազգային համալսարանի դասախոսները։

Զեկուցումներով հանդես եկան ԵՄՀ դասախոս, բ.գ.թ. Էլյա Դավթյանը և ՀՊՏՀ դասախոս, բ.գ.թ. Լիլիթ Հակոբյանը։ Նրանք ներկայացրին դասավանդման արդի մոտեցումները, կիրառվող մեթոդներն ու գործիքները, ինչպես նաև անդրադարձան ոլորտի խնդիրներին ու զարգացման հեռանկարներին։

Ծավալված ակտիվ քննարկման ընթացքում մասնակիցներն ընդգծեցին նմանատիպ հանդիպումների շարունակականության, բուհերի միջև կապերի ընդլայնման և հայերենի՝ որպես օտար լեզվի դասավանդման մեթոդական ու գիտական հենքի զարգացման կարևորությունը։

Միջոցառումը ևս մեկ արդյունավետ քայլ էր մասնագիտական համագործակցության, փորձի փոխանակման և նոր նախաձեռնությունների ձևավորման ուղղությամբ։

Եվրասիա միջազգային համալսարանում կայացավ օտար լեզուներ դասավանդողների վերապատրաստում

Եվրասիա միջազգային համալսարանում անցկացվեց «Արհեստական բանականության գործիքների արդյունավետ կիրառումը օտար լեզվի ուսուցման գործընթացում հատուկ կրթական կարիքներ ունեցող սովորողների համար» վերապատրաստումը։ Վերապատրաստումն իրականացվեց ԵՄՀ ներհամալսարանական հետազոտական

«Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ»․ Եվրասիա միջազգային համալսարանի մասնակցությունը միջազգային գիտաժողովին

ԵՊՀ տնտեսագիտության և կառավարման ֆակուլտետում անցկացվել է «Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ» խորագրով միջազգային գիտաժողով, որին Եվրասիա միջազգային համալսարանից

Տեսական գիտելիքից՝ մասնագիտական պրակտիկա․ բաց դասախոսություն Եվրասիա միջազգային համալսարանում

Եվրասիա միջազգային համալսարանի Իրավագիտության ամբիոնի նախաձեռնությամբ տեղի ունեցավ հերթական բաց դասախոսությունը, որը վարեց փաստաբան Հովհաննես Բայանդուրյանը։ Հանդիպման ընթացքում բանախոսը ուսանողների հետ կիսվեց մասնագիտական փորձով՝ անդրադառնալով