Ընթանում է Եվրամիության ֆինանսավորմամբ ծրագրերի ազդեցության գնահատում ԵՄՀ-ում

Ս․թ․ փետրվարի 8-ին Հայաստանում Էրազմուս+ գրասենյակի նախաձեռնությամբ Եվրասիա միջազգային համալսարանում կազմակերպվեց մոնիթորինգային այց:

Հանդիպման մասնակիցներն էին Erasmus+ գրասենյակի ծրագրի համակարգող Լանա Կառլովան,   ծրագրերի պատասխանատուներ՝  Էդիթ Սողոմոնյանը, Անի Թորոսյանը, փորձագետ Քրիստինա Սարգսյանը, ԵՄՀ ռեկտոր Սուրեն Օհանյանը, բուհի ստորաբաժանումների ներկայացուցիչները:

Մոնիթորինգային այցի նպատակն էր Հայաստանում Էրազմուս+ գրասենյակի կողմից ուսումնասիրել Եվրոմիությամբ ֆինանսավորվող կարողությունների զարգացման և փոխանակման ծրագրերի ազդեցությունը բուհում:

Առաջին օրվա հանդիպումը ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանի հետ էր: Իր խոսքում ռեկտորը նշեց, -«Էրազմուսի ծրագրերը բուհի համար ունեցել են էական ազդեցություն՝ համալսարանի կայացման և կարողությունների զարգացման առումով:  Առանձնահատուկ կարևորում ենք մեր մասնակցությունը կարողությունների զարգացման ASPIRE ծրագրին, որի շրջանակում հնարավոր եղավ իրականացնել ներառական բարձրագույն կրթություն՝ ներգրավելով հատուկ կարիքներով ուսանողների և դասախոսների, վերջիններիս համար ապահովելով անհրաժեշտ ծառայություններ և միջավայր։  Ծրագրի շրջանակում վերափոխվեցին և հարմարեցվեցին բուհի ենթակառուցվածքները և տեխնիկան, իրականցվեցին մի շարք մեթոդական վերապատրաստումներ, իրազեկվածության բարձրացմանն ուղղված միջոցառումներ:

HARMONY ծրագիրը բուհում փոխեց կառավարման մշակույթը. ծրագրում ակտիվորեն ներգրավվեցին բուհի աշխատակիցները և ուսանողները, ինչի արդյունքում ուսումնասիրեցինք և տեղայնացրեցինք միջազգային լավագույն փորձը կառավարման, կրթության բովանդակության, հետազոտության և ուսանողների շարժունության ապահովման ուղղությամբ։

Ներկայումս ներգրավված ենք ARMDOCT ծրագրում. այն հեղափոխական ծրագիր է և բացառիկ կարևոր՝ ուղղված դոկտորական կրթության բարեփափոխմանը երկրում»։

ԵՄՀ Միջազգային կապերի կենտրոնի ղեկավար Նունե Ջոմարդյանը կարևորեց Հայաստանում Էրազմուս+ գրասենյակի կողմից կազմակերպվող վերապատրաստման դասընթացները: ԵՄՀ մասնագիտական ամբիոնների վարիչներն ընդգծեցին, որ միջազգային համագործակցությունների արդյունքնում պարբերաբար իրականացվում է Մասնագիտական կրթական ծրագրերի, առարկայական ծրագրերի և ուսումնական պլանների շարունակական մշտադիտարկում և վերանայում:

Հանդիպման ընթացքում ռեկտորն անդրադարձավ նաև միջազգային ծրագրերի ազդեցությանը բուհի կազմակերպական կառուցվածքի, մասնագիտական կրթական ծրագրերի մշակման վրա, խոսեց ընթացիկ48390418 343111619851652 7901098988219138048 n խոչընդոտներից և բուհի զարգացման հեռանկարներից։

Հանդիպման ավարտին օրակարգով նախատեսված կարգով կազմակերպվեց շրջայց:

Նշենք, որ մոնիթորինագային այցը շարունակվելու է ընթանալ առաջիկա օրերին, և արդեն առցանց հարթակում կկազմակերպվեն հանդիպումներ Էրազմու+ ծրագրերի համակարգող և ծրագրերում ներգրավված ԵՄՀ աշխատակիցների հետ:

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն