ԵՄՀ պատվիրակությունը մասնակցել է KPI4HE ծրագրի աշխատաժողովին Ջենովայի համալսարանում

Եվրասիա միջազգային համալսարանի պատվիրակությունը՝ ռեկտոր Սուրեն Օհանյանի գլխավորությամբ, մասնակցել է «Հայաստանում ներառական, թվային և կանաչ ուղղվածությամբ բարձրագույն կրթության պատշաճ կառավարման և որակի համար գործունեության առանցքային ցուցանիշների (ԳԱՑ) ազգային շրջանակի ստեղծում» (KPI4HE) ծրագրի շրջանակում Իտալիայի Ջենովայի համալսարանում կազմակերպված աշխատաժողովին։
Հաշվի առնելով աշխատաժողովի ռազմավարական բնույթը՝ ԵՄՀ պատվիրակության կազմում ընդգրկված է եղել նաև Կառավարման խորհրդի նախագահ Սամվել Պիպոյանը։
Աշխատաժողովը կենտրոնացած էր բարձրագույն կրթական հաստատություններում կրթական և գիտական նպատակների ձևակերպման, ինստիտուցիոնալ հետազոտությունների միջոցով տվյալահեն և համակարգված որոշումների կայացման, ինչպես նաև ռազմավարությունների մշակման և ներդրման գործընթացների վրա։
 
Մասնակիցները քննարկել են գործընկեր համալսարանների՝ մասնավորապես Իտալիայի Ջենովայի համալսարանի, Գերմանիայի Օլդենբուրգի և Դրեզդենի տեխնիկական համալսարանների փորձը՝ ռազմավարական պլանավորման և ԳԱՑ համակարգի ներդրման ոլորտներում։ Քննարկման շրջանակում ներկայացվել է նաև Հայաստանի Հանրապետության բարձրագույն կրթության գնահատման առանցքային ցուցանիշների ազգային շրջանակի (ԳԱՑԱՇ) հայեցակարգը։
 
Այցի ընթացքում ներկայացրել է նաև ԵՄՀ փորձառությունը ռազմավարության մշակման, ինստիտուցիոնալ գնահատման համակարգերի և ԳԱՑ մեխանիզմների ձևավորման ուղղությամբ՝ շեշտադրելով տվյալահեն պլանավորման և որակի ապահովման դերակատարությունը համալսարանի շարունակական բարելավման գործընթացում։
Հիշեցնենք, որ KPI4HE նախագիծը նպատակ ունի բարելավել Հայաստանի բարձրագույն կրթության համակարգի կառավարումը և համալսարանների ռազմավարական պլանավորումը՝ նպաստելով որակյալ, ներառական, թվային և կանաչ ուղղվածությամբ բարձրագույն կրթության զարգացմանը։

ԵՄՀ ուսանողները՝ ՀՀ Արդարադատության նախարարության քրեակատարողական ծառայության 107-ամյակի աշխատաժողովին

«Եվրասիա» միջազգային համալսարանի Իրավագիտության ամբիոնի 3-րդ կուրսի ուսանողներ Էլեն Շահբազյանը, Մարինա Սահականը և Մարիաննա Վարդանյանը մասնակցել են Հայաստանի Հանրապետության Արդարադատության նախարարության քրեակատարողական ծառայության 107-ամյակի արթիվ

Վերապատրաստում օտար լեզուներ դասավանդողների համար

Եվրասիա միջազգային համալսարանում անցկացվեց «Արհեստական բանականության գործիքների արդյունավետ կիրառումը օտար լեզվի ուսուցման գործընթացում հատուկ կրթական կարիքներ ունեցող սովորողների համար» վերապատրաստումը։ Վերապատրաստումն իրականացվեց ԵՄՀ ներհամալսարանական հետազոտական

«Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ»․ Եվրասիա միջազգային համալսարանի մասնակցությունը միջազգային գիտաժողովին

ԵՊՀ տնտեսագիտության և կառավարման ֆակուլտետում անցկացվել է «Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ» խորագրով միջազգային գիտաժողով, որին Եվրասիա միջազգային համալսարանից