«ԱԲ-ն կարիերայի կենտրոններում». ինտերակտիվ աշխատարան

Նոյեմբերի 20-ին Եվրասիա միջազգային համալսարանում կայացավ «ԱԲ-ն կարիերայի կենտրոններում» ինտերակտիվ աշխատարանը։

Այն նախատեսված էր Մասնագիտական կրթության և ուսուցման (ՄԿՈՒ) հաստատությունների կարիերայի պատասխանատուների համար։

Աշխատարանը վարեց Եվրասիա միջազգային համալսարանի Ռազմավարական զարգացման և արտաքին կապերի գծով պրոռեկտոր Էդգար Ամիրխանյանը։

Հանդիպման առանցքում արհեստական բանականության (ԱԲ) ժամանակակից գործիքների կիրառումն էր մասնագիտական կողմնորոշման և կարիերայի ուղղորդման աշխատանքներում։ Մասնակիցները քննարկեցին, թե ինչպես կարող են ԱԲ գործիքները թեթևացնել կարիերայի խորհրդատուի առօրյա աշխատանքը՝ ուսանողների խորհրդատվությունից մինչև տեղեկատվական նյութերի պատրաստում, և ինչպես դրանք օգտագործել ուսանողի հետ անմիջական շփման համար ավելի շատ ժամանակ ունենալու նպատակով։

Առանձին անդրադարձ եղավ բարեվարքության կանոններին։ ԱԲ-ի կիրառումը կարիերայի ուղղորդման ոլորտում պահանջում է պատասխանատու մոտեցում՝ տվյալների գաղտնիության պահպանում, թափանցիկություն, տեղեկատվության ստուգում և մարդկային դատողության առաջնահերթություն։

Աշխատարանն անցավ ինտերակտիվ ձևաչափով։ Մասնակիցները կիսվեցին իրենց հաստատությունների փորձով և մարտահրավերներով, քննարկեցին հաջողված լուծումներ և միջոլորտային համագործակցության ընդլայնման հնարավորություններ։

Նախաձեռնությունը Եվրասիա միջազգային համալսարանի ևս մեկ քայլ է ՄԿՈՒ համակարգի հետ համագործակցության ամրապնդման և կրթական ոլորտում նորարարական մոտեցումների տարածման ուղղությամբ։

Շնորհակալություն ենք հայտնում բոլոր մասնակիցներին ակտիվ ներգրավվածության և արդյունավետ քննարկման համար։

Բանավեճը՝ որպես ապագա իրավաբանների մասնագիտական մտածողության ձևավորման միջոց

«Քրեական իրավունք» առարկայի շրջանակում, ԵՄՀ Իրավագիտության ամբիոնի վարիչ, իրավաբանական գիտությունների թեկնածու Ադելինա Սարգսյանի նախաձեռնությամբ և ղեկավարությամբ, տեղի ունեցավ ուսանողական բանավեճ՝ «Քրեական պատասխանատվության նվազագույն տարիքի իջեցումը»

Ուսանողական ինքնակառավարում. անցած ուղուց՝ դեպի վերափոխման հեռանկարներ. ԵՄՀ-ում կայացավ ուսանողի միջազգային օրվան նվիրված համաժողովը

Նոյեմբերի 16-ին Եվրասիա միջազգային համալսարանում (ԵՄՀ) կայացավ «Ուսանողական ինքնակառավարման հիմնախնդիրները Հայաստանի Հանրապետությունում. նոր հնարավորություններ և մարտահրավերներ» խորագրով համաժողովը՝ նվիրված Ուսանողի միջազգային օրվան։ Մեկ հարթակում համախմբվեցին

Իրավաբանական կրթությունը՝ մարդու իրավունքների գործնական ճանաչմամբ

Եվրասիա միջազգային համալսարանի Իրավագիտության ամբիոնի առաջին կուրսի ուսանողուհիներ Լիանա Թումանյանը, Անի Թորոսյանը, Վերգինե Սուչյանը և չորրորդ կուրսի ուսանողուհի Քնար Ալոյանը 2026 թվականի նոյեմբերի 16-ին մասնակցել