Եվրասիա Միջազգային Համալսարանը երիտասարդ հետազոտողներին հրավիրում է մասնակցելու «ԿԱՅՈՒՆ ԶԱՐԳԱՑՈՒՄԸ ԹՎԱՅԻՆ ԴԱՐԱՇՐՋԱՆՈՒՄ․ ՏՆՏԵՍԱԿԱՆ, ԻՐԱՎԱԿԱՆ ԵՎ ՀԱՍԱՐԱԿԱԿԱՆ ՀԻՄՆԱԽՆԴԻՐՆԵՐ»

Եթե դու բակալավրիատի կամ մագիստրատուրայի ուսանող ես, ասպիրանտ կամ երիտասարդ հետազոտող — միացիր և ներկայացրու քո գաղափարները կայուն զարգացման, թվային փոխակերպման, իրավունքի և հասարակության ոլորտներում։

📅Հունիսի 3, 2026
📍 Եվրասիա Միջազգային Համալսարան, Երևան, Ազատության 24/2

📝 Հայտերի ընդունման վերջնաժամկետը՝ ապրիլի 27

Ժամանակակից աշխարհում կայուն զարգացումը պահանջում է համակողմանի և համակարգային մոտեցում՝ միավորելով տնտեսական առաջընթացը, թվային վերափոխումը, արդյունավետ կառավարումը և իրավական կարգավորումները։ Այս համատեքստում գիտաժողովը նպատակ ունի ձևավորել ակադեմիական երկխոսության հարթակ, որտեղ երիտասարդ հետազոտողները հնարավորություն կունենան ներկայացնելու իրենց մոտեցումները, քննարկելու նորարարական գաղափարներ և առաջարկելու կիրառական լուծումներ։

Եվրասիա Միջազգային Համալսարանը երիտասարդ հետազոտողներին հրավիրում է մասնակցելու կայուն զարգացման հիմնախնդիրներին նվիրված գիտաժողովի.

ամսաթիվ՝ 03.06.2026,

աշխատանքային լեզուներ՝ հայերեն, անգլերեն,

հասցե՝ Եվրասիա Միջազգային Համալսարան, Երևան, Ազատության 24/2:

Գիտաժողովին կարող են մասնակցել՝

բակալավրիատի ուսանողներ

մագիստրանտներ

ասպիրանտներ

երիտասարդ հետազոտողներ

ԳԻՏԱԺՈՂՈՎԻ ԲԱԺԻՆՆԵՐ

Բաժին 1․ Տնտեսություն և թվային վերափոխում

Սեկցիան նպատակ ունի քննարկելու կայուն զարգացման տնտեսական և կառավարման հիմնախնդիրները, նորարարական մոտեցումների և թվային տեխնոլոգիաների դերը:

Թեմատիկ ուղղություններ՝

Կայուն տնտեսական զարգացում և կանաչ տնտեսություն – տնտեսական քաղաքականությունների դերը շրջակա միջավայրի պահպանության և կայուն զարգացման ապահովման գործում, ներառյալ կանաչ տնտեսության սկզբունքների և չափորոշիչների կիրառումը։

Շրջանաձև տնտեսություն – ռեսուրսների արդյունավետ օգտագործման, վերամշակման և վերարտադրելի արտադրության մոդելների իրականացումը՝ ի նպաստ երկարաժամկետ կայունության։

Թվային կառավարում և էլեկտրոնային կառավարման համակարգեր – թվային տեխնոլոգիաների ներդրումը պետական ու մասնավոր կառավարման հարթակներում, գործարար գործընթացների օպտիմալացումը և ծառայությունների մատչելիությունը քաղաքացիների համար։

Կայուն ֆինանսներ և ներդրումային քաղաքականություն – ֆինանսական համակարգերի կայունության ապահովումը, ներդրումային ռազմավարությունների գնահատումը։

Կորպորատիվ կառավարում – ընկերությունների կառավարման համակարգերում բնապահպանական, սոցիալական և կառավարման չափորոշիչների (ESG) կիրառումը, պատասխանատու և կայուն բիզնես խթանումը։

Նորարարություններ և տեխնոլոգիաներ – նորարարական լուծումների, տեխնոլոգիական առաջընթացի և թվային գործիքների նշանակությունը տնտեսության և կառավարման գործընթացների բարելավման և արդյունավետության բարձրացման համար։

Բաժին 2․ Իրավունք և հասարակություն

Սեկցիան կանդրադառնա ՄԱԿ-ի կայուն զարգացման 16-րդ նպատակին՝ «Խաղաղություն, արդարություն և ամուր հաստատություններ», քննարկելով կայուն զարգացման իրավական և սոցիալական հիմքերը և ընդգծելով արդարության, մարդու իրավունքների և հանրային մասնակցության առանցքային նշանակությունը:

Թեմատիկ ուղղություններ՝

Կայուն զարգացման իրավական կարգավորումներ – իրավակարգերի դերը և ինստիտուցիոնալ շրջանակները կայուն զարգացման ապահովման գործում,

Շրջակա միջավայրի իրավունք և կլիմայական քաղաքականություն – բնապահպանական օրենսդրության և կլիմայի փոփոխությանն ուղղված քաղաքականությունների ազդեցությունը,

Մարդու իրավունքներ և սոցիալական արդարություն – հավասար հնարավորությունների և ներառական հասարակության ձևավորմանն ուղղված քաղաքականություններ,

Հանրային մասնակցություն և կառավարման թափանցիկություն – քաղաքացիական մասնակցության, հաշվետվողականության և լավ կառավարման մեխանիզմներ,

Կրթությունը և հաղորդակցությունը կայուն զարգացման համար – կրթության և միջմշակութային հաղորդակցության դերը կայուն հասարակության ձևավորման գործընթացում,

Հասարակության դերակատարությունը և հանրային երկխոսությունը կայուն զարգացման համար – տեղական նախաձեռնություններ, համայնքային ներգրավվածություն, հասարակայնության հետ կապեր ու հանրային մասնակցություն։

ԶԵԿՈՒՅՑԻ ՆԵՐԿԱՅԱՑՄԱՆ ՊԱՀԱՆՋՆԵՐ

Թեզիս (Abstract)՝

· ծավալը՝ 150–250 բառ,

· լեզու՝ հայերեն կամ անգլերեն,

· պետք է ներառի՝ հետազոտության նպատակը, կիրառված մեթոդաբանությունը,

հիմնական կամ ակնկալվող արդյունքները:

· բանալի բառեր՝ 3–5

Հրապարկվող զեկույց (ընտրված մասնակիցների համար)՝

· ծավալ՝ 5–10 էջ,

· տառատեսակ՝ Sylfaen կամ Times New Roman, 12 pt,

· միջտողային հեռավորություն՝ 1.5,

· կառուցվածք՝ ամփոփագիր (150 բառ), ներածություն (1 էջ), հիմնական մաս, եզրակացություն, օգտագործված գրականության ցանկ։

· Հղումների ձևաչափը՝ APA ոճ (APA style)։

ՄԱՍՆԱԿՑՈՒԹՅԱՆ ԿԱՐԳ

Մասնակցության համար անհրաժեշտ է լրացնել առցանց հայտը https://forms.gle/coCyPmkWE2i9mhBF9

և ուղարկել թեզիսը research.center@eiu.am էլ. հասցեին:

Մասնակցության համար անհրաժեշտ է մինչև 2026թ․ ապրիլի 27-ը ներկայացնել մասնակցության հայտ՝ ըստ ձևաչափի, իսկ զեկույցների ներկայացման վերջնաժամկետը՝ մինչև 2026թ․ մայիսի 15-ը։

Լրացուցիչ հարցերի և մասնակցության հետ կապված մանրամասների համար գրեք՝ research.center@eiu.am