Եվրասիա միջազգային համալսարանի Իրավագիտության, քաղաքագիտության և միջազգային հարաբերությունների ամբիոնի երկրորդ և երրորդ կուրսի ուսանողները «Քաղաքացիական իրավունք» առարկայի շրջանակում դասախոս Լիլիթ Զիրոյանի ուղեկցությամբ այցելեցին Երևան քաղաքի առաջին ատյանի ընդհանուր իրավասության քաղաքացիական դատարանի Արաբկիր նստավայր։
Շրջայցի շրջանակում ուսանողները ուսումնասիրեցին գործերի արխիվացման ընթացքը, ծանոթացան գրասենյակային աշխատանքին, մասնակցեցին դատավորներ Աննա Շիլաջյանի, Արմենուհի Բադիրյանի և Մարինա Տաշչյանի կողմից իրականացվող դատական նիստերին:
Ամփոփելով այցը դատավոր Տաշչյանի հետ ունեցան հարց ֊ պատասխան զրույց, ուսանողները ուղղեցին իրենց հուզող հարցերը, որոնց դատավորը տվեց լիարժեք պատասխաններ։
