Փետրվարի սկզբին Ավստրիայի Վիլախի CUAS համալսարանական համալիրում հաջողությամբ անցկացվեց SIN NEC-ի վերապատրաստումը՝ նվիրված բազմազան լսարաններում դասավանդմանը և վիրտուալ փոխանակմանը։ Ծրագիրը համահամակարգում է Եվրասիա միջազգային համալսարանը:
Չորս օր շարունակ Արևելյան գործընկերության երկրների դասախոսները հավաքվել էին՝ կատարելագործելու իրենց դասավանդման մոտեցումները՝ ուղղված բազմազան և միջազգային լսարաններին։
Վերապատրաստման հիմնական թեմաներն էին՝
Ներառական դասավանդման ռազմավարություններ – Ուսումնական ծրագրերի մշակում, գնահատման և հաղորդակցության ներառական մեթոդներ։
Վիրտուալ փոխանակման գործիքներ – Թվային դասավանդման մարտահրավերներ, համագործակցության մեթոդներ և ուսանողների ներգրավվածության բարձրացում։
Վերապատրաստումը վարեցին ոլորտի փորձագետներ Ջանեթ Բրաունը, Էթնա Կնապիտշը, ովքեր տրամադրեցին գործնական գիտելիքներ և կոնկրետ գործողությունների պլաններ։
Ի՞նչ է սպասվում առաջիկայում։
Մասնակիցները ձեռք բերված գիտելիքները կկիրառեն գարնանային կիսամյակում՝ մշակելով և համատեղ ստեղծելով նորարարական դասընթացներ, որոնք նպաստելու են բարձրագույն կրթության ներառականության և թվայնացման զարգացմանը։
