ԱԲ և ԹՎԱՅԻՆ ՓՈԽԱԿԵՐ-ՊՈՒՄՆԵՐԻ ՓՈՐՁԻ ՓՈԽԱՆԱԿՄԱՆ ՀԱՄԱՅՆՔ
Արհեստական բանականության և թվային փոխակերպումների ոլորտում փորձի փոխանակման համայնքը միավորում է կրթության ոլորտի մասնագետների, հետազոտողների և նորարարների, ովքեր հետաքրքրված են ուսումնասիրել, բացահայտել և արդյունավետ կերպով կիրառել ԱԲ-ն ու թվային գործիքները ուսուցման, ուսումնառության, գնահատման և հետազոտական գործընթացներում։
Գործունեության նպատակը
Այս հարթակում պարբերաբար կկազմակերպվեն հանդիպումներ (հիմնականում՝ առցանց), որտեղ մասնակիցները հնարավորություն կունենան.
- Կիսվել և տարածել արդյունավետ փորձառություններ
- Քննարկել գործնական օրինակներ և փորձարկել համատեղ լուծումներ
- Համագործակցել նորարար հետազոտական գաղափարների շուրջ
- Կառուցել և զարգացնել մասնագիտական կապեր՝ միջհամալսարանական և միջդիսցիպլինար հարթություններում
Գործունեության հիմնական ոլորտները
Մեր հանդիպումների ընթացքում կփորձենք համատեղ ուսումնասիրել և փոխանակվել հմտություններով․
- ԱԲ գործիքների կիրառումը դասավանդման և հետազոտական աշխատանքի մեջ
- Նորարար ուսուցման մեթոդների և գնահատման մոտեցումների փոխանակում
- Ուսանողակենտրոն կրթության ժամանակակից ձևաչափերի համատեղ մշակում
- Արհեստական բանականության էթիկական և պատասխանատու կիրառումը կրթության և հետազոտության մեջ
Ո՞վ կարող է դիմել
- Գործող ուսուցիչներ և դասախոսներ (դպրոցների, քոլեջների և համալսարանների), ովքեր նպատակ ունեն ինտեգրել արհեստական բանականության և թվային գործիքները ուսուցման գործընթացում։ Մասնակցային առումով նրանք հարթակ կարող են բերել դասասենյակի և լսարանի փորձը, մանկավարժական գիտելիքներն ու գործնական պատկերացումներ այն մասին, թե ինչպես կարող են նոր տեխնոլոգիաները վերափոխել ուսուցումը։
- Հետազոտողներ, որոնք հետաքրքրված են նորարարական մանկավարժությամբ, կրթության մեջ ԱԲ կիրառմամբ կամ ուսուցման ու ուսումնառության վրա թվային տեխնոլոգիաների ազդեցության հարցերով: Նրանք կարող են կիսվել փաստական տվյալների վրա հիմնված արդյունքներով, նոր մոդելներով և փորձարարական մոտեցումներով: Այս խմբին են պատկանում նաև այն հետազոտողներն, ովքեր ցանկանում են հետազոտական աշխատանքը դարձնել ավելի արդյունավետ՝ օգտագործելով ԱԲ գործիքներ տվյալների վերլուծության, գրականության կառավարման, ակադեմիական գրագրության համար:
- Կրթության կազմակերպիչներ և կառավարիչներ, որոնք մշակում կամ վերահսկում են ուսումնական հաստատությունների ռազմավարությունները, թվային վերափոխման գործընթացները և կրթության որակը։ Նրանք ապահովում են քաղաքականությունների և գործնական մոտեցումների համապատասխանելիությունը նորարարական և կայուն զարգացման սկզբունքներին։
- Փորձագետներ և փորձարկող մասնագետներ, որոնք իրական ուսուցման միջավայրերում փորձարկում և գնահատում են ուսուցման և գնահատման նոր գործիքները՝ ապահովելով ուսանողների պահանջներին արձագանքող նորարարական մոտեցումները, դրանց կիրառելիության արդյունավետությունը և ընդլայնման սահմանները:
- Կրթական տեխնոլոգիաների մշակողներ և ձեռներեցներ – նորարարներ, ովքեր նախագծում, մշակում և տարածում են կրթական տեխնոլոգիաներ, ԱԲ գործիքներ և թվային հարթակներ։ Նրանք ստեղծում են կապ տեխնոլոգիաների և մանկավարժության միջև՝ առաջարկելով լուծումներ, որոնք արձագանքում են կրթության իրական մարտահրավերներին։
- Քաղաքականություն մշակողներ և որակի ապահովման փորձագետներ – պետական լիազոր և հավատարմագրման մարմինների, կրթական ինստիտուտների ներկայացուցիչներ, որոնք մշակում են կանոնակարգեր, շրջանակներ և չափորոշիչներ ԱԲ և թվային տեխնոլոգիաների ներդրման համար։ Նրանք երաշխավորում են նորարարության, հավասար հնարավորությունների և որակի միջև ներդաշնակությունը։
- Դասընթացներ և ուսումնական ծրագրեր մշակող մասնագետներ, ովքեր ինտեգրում են ԱԲ և թվային գործիքները դասընթացների ուսումնական ծրագրերի և ուսուցման ռեսուրսների մեջ։ Նրանք ստեղծում են ուսանողակենտրոն փորձառություններ՝ համադրելով նորարարական մանկավարժական մոտեցումները և նոր տեխնոլոգիաները։
- Ասպիրանտներ կամ սկսնակ դասավանդողներ, ովքեր բերում են նոր հեռանկարներ, հետազոտական մտքեր և նորարարական մոտեցումներ: Նրանք ձգտում են խորացնել գիտելիքները թվային փոխակերպումների ուղղությամբ և ինտեգրել դրանք իրենց դասավանդման, ուսումնառության և հետազոտության մեջ:
- Ոլորտի արտադրության գործընկերներ - արհեստական բանականության, հմտությունների և աշխատուժի կարիքների հատման կետում գործունեություն ծավալող ընկերությունների և կազմակերպությունների ներկայացուցիչներ։ Նրանք իրենց ներդրումն են ունենում՝ համապատասխանեցնելով կրթությունը աշխատաշուկայի պահանջներին և հետաքրքրված են նաև արհեստական բանականության լուծումների և թվային փոխակերպման ռազմավարությունների ներդմամբ՝ ակադեմիական ոլորտի հետ համագործակցության ամրապնդմամբ։
Գործնական նյութեր
Այստեղ կարող եք գտնել մեր՝ Արհեստական բամականության գործնական համայնքի նյութերը։ Եղե՛ք տեղեկացված և բաց մի թողեք համայնքի հանդիպումների նոր նյութերը։