Վարպետության դաս` «Դատական լուսանկաչություն» թեմայով

Այսօր՝ ս.թ. հոկտեմբերի 30-ին, ԵՄՀ Իրավագիտության ամբիոնին կից գործող  Իրավաբանական կլինիկայի նախաձեռնությամբ  «Կրիմինալիստիկա» առարկայի շրջանակում հերթական անգամ կազմակերպվեց գործնական հմտությունների զարգացմանն ուղղված առցանց վարպետության դաս`  «Դատական լուսանկաչություն» թեմայով:

Վարպետության դասը   վարեց Փորձաքննությունների ազգային բյուրո ՊՈԱԿ-ի կրիմինալիստ փորձագետ Վարդգես Ֆրանգյանը։

Դասի ժամանակ բանախոսը նախ ներկայացրեց դատական լուսանկարչության պատմական զարգացումը, դերն ու նշանակությունը իրավագիտության մեջ, ապա պատկերավոր օրինակների ցուցադրմամբ անդրադարձավ դատական լուսանկարչության տեսակներին, խոսեց առանձնահատկությունների, հիմնական սկզբունքների մասին: Փորձագետը ունկնդիրների առանձնակի ուշադրությունը հրավիրեց հանցագործությունների բացահայտման համար կարևոր ապացուցողական նշանակություն ունեցող քննչական գործողության արձանագրության մեջ լուսանկարման կիրառման, դրա արդյունքների ամրակայման վերաբերյալ առանձնահատկություններին։ Ավարտին մասնագետը խորհուրդ տվեց տեսական նյութը վերածել գործնական առաջադրանքի՝ այսուհետ որևէ առարկա լուսանկարելիս փորձել այն դիտարկել քրեագիտության համատեքստում, սեփական տեսանկյունից վերլուծել այն թերությունները, որոնք կարող են առաջանալ ընթացքում:

Հանդիպման ավարտին Վ. Ֆրանգյանը թեմայի արդիականությունից ելնելով խոսեց նաև ներկայիս պատերազմական իրադրության պայմաններում հատկապես միջազգային մամուլում տեղ գտած լուսանկարների, կիրառված եղանակների մասին, որոնք հնարավորություն են տալիս հետազոտող կողմին այդ լուսանկաների միջոցով ստանալ կոնկրետ տեղեկատվություն։

Վարպետության դասի շրջանակներում մասնակիցները փորձագետին ուղղեցին տարաբնույթ հարցեր:

 

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն