Մասնավոր նախադպրոցական հաստատությունների աջակցման ասոցիացիան, Ուսուցիչների ուսումնափորձարարական համայնքը, Եվրասիա միջազգային համալսարանի հետ համատեղ ##Օգոստոսի 19-21-ը հրավիրում է նախադպրոցական ոլորտի մասնագետներին մասնակցելու արդեն ավանդույթ դարձած երկրորդ համայնքային համաժողովին` «Նախադպրոցական երեխային ընդառաջ» խորագրով։
Նախադպրոցական երեխաների հետ աշխատող մասնագետները կունենան հրաշալի հնարավորություն 3 օր սուզվելու նախադպրոցական ոլորտի զարմանահրաշ աշխարհ։
Համաժողովի նպատակն է երեք հագեցած օրվա ընթացքում հարթակ տրամադրել ոլորտի առաջատար մասնագետներին, ինչպես նաև նախադպրոցական ոլորտում առաջին քայլերը կատարող երիտասարդ մասնագետներին
կիսվել իրենց փորձով, նորարական գաղափարներով, արդիական մոտեցումներով, մասնագիտական բազմաթիվ հարցերի պատասխաններ ստանալ։
Համաժողովի ընթացքում նախադպրոցական համակարգի բոլոր օղակների ներկայացուցիչների մասնակցությամբ բաց քննարկումներ և առցանց դասեր կիրականացվեն՝ ժամանակակից կրթական մարտահրավերների համատեքստում (նախադպրոցական համակարգի օրենսդրության, կրթության որակի և արդյունավետության, մասնագիտական աճի և այլ առանցքային թեմաների վերաբերյալ)։
Համաժողովի ընթացքում կիսվելու ենք մասնագիտական փորձով և ձեռքբերումներով, արդյունավետ ուսումնասիրություններով, բացահայտումներով, բարձրաձայնելու ենք ոլորտում առկա խնդիրները, միասին լուծումներ ենք փնտրելու, քննարկելու ենք նախադպրոցական ոլորտի զարգացման արդյունավետ ուղիները, և ոչ միայն։
Գրանցումը՝ նշված հղումով https://bit.ly/3LN2oVI
