Կարիերայի օր․ «Բուհի առաջարկ, աշխատաշուկայի պահանջարկ»

Եվրասիա միջազգային համալսարանը հրավիրում է մասնակցելու ամենամյա ավանդական «Կարիերայի օր» նախագծին, որն այս տարի կրելու է «Բուհի առաջարկ, աշխատաշուկայի պահանջարկ» խորագիրը:
 
Միջոցառման նպատակը ուսանողներին և երիտասարդ մասնագետներին իրազեկել աշխատաշուկայի արդի պահանջներին, նրանց տրամադրել մասնագիտական խորհրդատվություն, ստեղծել գործատուների հետ անմիջական երկխոսության յուրօրինակ հարթակ, ինչպես նաև նպաստել աշխատաշուկայում ուսանողների մրցունակության բարձրացմանը:
 
Նախատեսում ենք, որ Հայաստանի առաջատար գործատուները համալսարանի ընդարձակ սրահներում համապատասխան տաղավարներով կներկայացնեն իրենց ընկերությունները, միաժամանակ նրանց հնարավորություն կտրամադրվի լսարաններում վարել սեմինար-քննարկումներ (#masterclasses), որոնց ընթացքում ուսանողները կծանոթանան համապատասխան ոլորտի ձեռքբերումների, արդի խնդիրների և մի շարք այլ գործնական հարցերի մասին: Միջոցառումը բաց է լինելու ՀՀ բոլոր բուհերի ուսանողների համար:
 
Սիրով հրավիրում ենք բոլոր ուսանողներին մասնակցելու այս աշխատաշուկային և գրանցվել հետևյալ հղումով՝ https://forms.office.com/r/H85aSsxibu
 
Ինչպես նաև սիրով հրավիրում ենք բիզնես ընկերություններին մասնակցելու այս նախագծին՝ համապատասխան տաղավարով (անվճար) և ակնկալում ենք հյուընկելել նաև ընկերության ներկայացուցչին, որը կվարի համապատասխան թեմայով սեմինար-քննարկումը (եթե նպատակահարմար եք գտնում)։
 
«Կարիերայի օր» նախագիծը կայանալու է Եվրասիա միջազգային համալսարանում (Երևան, Ազատության 24/2) ապրիլի 8-ին ժամը՝ 10:30-16:00:
 
Միջոցառման հետ կապված հարցերով կարող եք զանգահարել (010) 249438 հեռախոսահամարով կամ գրել էլ. նամակ՝ mary.shahbazyan@eiu.am
 

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն