Ավատվեցին ԺԼԵԿ փորձագետների ներկայացմամբ աշխատաժողովի հանդիպումները

Ավարտվեց Ժամանակակից լեզուների եվրոպական կենտրոնի (ԺԼԵԿ) և Եվրասիա միջազգային համալսարանի հետ համատեղ կազմակերպած եռօրյա աշխատաժողովը, որն ուղղված էր մասնակիցների գործնական հմտությունների զարգացմանը:

Լսարանում բազմամշակութային և բազմալեզվական հմտությունների զարգացման վերաբերյալ ինտերակտիվ աշխատաժողովին մասնակցեցին Հայաստանի դպրոցներում, համալսարաններում և այլ կրթական հաստատություններում դասավանդող ավելի քան երեսուն մասնագետներ, կրթակարգերի և առարկայական ծրագրերի մշակողներ, որոնց թվում էին նաև Եվրասիա միջազգային համալսարանի և Եվրասիա ավագ դպրոց-վարժարանի պրոֆեսորադասախոսական կազմը:

Առցանց հարթակում մասնակիցների հետ աշխատեցին Եվրասիա միջազգային համալսարանի օտար լեզուների և գրականության ամբիոնի պրոֆեսոր, Էրազմուս Պլյուս Բարձրագույն կրթության բարեփոխումների փորձագետ Լուսինե Ֆլջյանը և  Եվրոպայի խորհրդի  Ժամանակակից լեզուների եվրոպական կենտրոնի  (ԺԼԵԿ) ծրագրերի փորձագետներ Քեթրին Կարե-Կառլինգերը (Լինց, Ավստրիա)  և Կատյա Շնիցերը (Մութցեն, Շվեյցարիա):

Նորարարական մեթոդաբանության շրջանակներում իրականացվող հանդիպումների ընթացքում մասնակիցները ուսումնասիրեցին տարաբնույթ թեմաներ. մասնավորապես՝ Բազմալեզու կրթության խթանումը դպրոցի մակարդակում, կրթության մեջ մշակութային և լեզվական բազմազանության խնդիրները, լեզվի ուսուցումը դպրոցական աշխատաքների բարելավման նպատակով, դասավանդումը բազմամշակութային և բազմալեզու միջավայրում և այլն: Վերապատրաստումներն ուղեկցվեցին տեսաֆիլմերով, թիմային աշխատանքներով և քննարկումներով:

 

Միջազգային գիտական կոնֆերանսի զեկույցով հանդես գալու հրավեր

Եվրոպական միության աջակցությամբ Էրազմուս+ T-GREEN «Հետբակալավրի կրթության փոխակերպումը հանուն կանաչ և կայուն ապագայի» նախագծի շրջանակներում կանցկացվի «Ինստիտուցիոնալ քաղաքականությունն ու փորձը հանուն կրթության և հետազոտության կայուն

«Եվրասիա» կրթաթոշակի ներհամալսարանական ամենանամյա մրցույթ

Եվրասիա միջազգային համալսարանը հայտարարում է «Եվրասիա» կրթաթոշակի ներհամալսարանական ամենանամյա մրցույթը.   «Եվրասիա» կրթաթոշակը տրամադրվում է Եվրասիա միջազգային համալսարանի մագիստրատուրայի առաջին կուրսի ուսանողներին՝ նրանց հետազոտական աշխատանքները

Հնարավորություն սովորելու Սանտյագո դե Կոմպոստելա համալսարանում

Հարգելի՛ ԵՄՀ ուսանողներ,Erasmus+ ծրագրի շրջանակներում և Եվրասիա միջազգային համալսարանի (ԵՄՀ) ու Սանտյագո դե Կոմպոստելա համալսարանի (Իսպանիա) միջև ստորագրված համաձայնագրի հիման վրա, ԵՄՀ ուսանողներն ունեն հնարավորություն