Օրերս Եվրասիա միջազգային համալսարանի դասախոսները հանդիպեցին բանասիրական գիտությունների թեկնածու, Կոլորադոյի համալսարանի դասախոս, Հայաստանում ԱՄՆ դեսպանատան անգլերեն լեզվի մասնագետ Ջուլիա Սարրիսի հետ:
Բանախոսը ԵՄՀ դասախոսական անձնակազմին ներկայացրեց «Ուսումնառության կազմակերպումը բազմամշակույթ լսարանում» թեման, ինչպես նաև հետաքրքիր քննարկումներ եղան բանախոսի և մասնակիցների միջև, կիսվեցին իրենց մասնագիտական հմտություններով ու փորձով, կարևորեցին բազմամշակույթ լսարանում ուսուցչի դերը` որպես առաջնորդող, աջակցող կերպար։
Սեմինարը կազմակերպել էր Լեզուների, հաղորդակցության և մանկավարժության ամբիոնը:
