Այսօր ԵՄՀ կարիերայի զարգացման և գործատուների հետ կապի կենտրոնի նախաձեռնությամբ կազմակերպվեց սեմինար՝ «Ներկայացման հմտություններ կամ ինչպես խոսել, որ քեզ լսեն» թեմայով։
Ինտերակտիվ հանդիպումը վարեց ֆոնդհայթայթման մասնագետ, դասընթացավար և խորհրդատու, TEDx խոսնակ Իրինա Փահլևանյանը։
Հանդիպման սկզբում բանախոսը մասնակիցներին ուղղված հարցադրումների միջոցով խոսեց «Ներկայացման հմտություններ և կատարյալ փիթչ (pitch)» հասկացությունից, ապա անդրադարձավ գրավիչ խոսք ունենալու առանցքային սկզբունքներին, անհատի և լսարանի հետ փոխհարաբերություններ կառուցելու հիմնական դրույթներին:
Հանդիպման ընթացքում մասնակիցներն իմացան նաև՝ ինչպես ներկայացնել ցանկացած ծրագրային կամ բիզնես գաղափար:
Հանդիպումն ամփոփվեց բանախոսին ուղղված ակտիվ հարցադրումներով:
