Երաշխավորված կյանքի ուղեգիր

Յուրաքանչյուր ուսումնական հաստատության համար ամենանշանակալից իրադարձությունը դիպլոմների հանձնման արարողությունն է: Եվրասիա միջազգային  համալսարանը այս տարի նույնպես կյանքի ուղեգիր տվեց բազմաթիվ շրջանավարտների: Այսօր համալսարանի հանդիսությունների սրահում հավաքվածների տրամադրությունը տոնական էր: Արարողության սկզբում շրջանավարտներին ողջունեց ուսումնական և գիտական աշխատանքների գծով պրոռեկտոր Ի. Բաբայանը: Նա շնորհավորեց շրջանավարտներին և շնորհակալական խոսքեր ուղղեց համալսարանի դասախոսական և սպասարկող կազմին: Այնուհետև հանդես եկավ ԵՄՀ ռեկտոր պրոֆ. Ս. Օհանյանը: Նա ընդգծեց, որ ամենևին էլ մտահոգված չէ շրջանավարտների ճակատագրով, որովհետև նրանք ստացել են և´ տեսական, և´ գործնական մասնագիտական այնպիսի գիտելիքներ, որոնք անհրաժեշտ են այսօրվա շրջանավարտին աշխատաշուկայում հաստատուն տեղ զբաղեցնելու համար:  Նա կարևորեց նոր մեթոդաբանությամբ համեմատաբար փոքր խմբերով կազմակերպվող ուսուցումը, գործատուների հետ ակտիվ համագործակցությունը, միջազգային փոխանակման ծրագրերին ուսանողների ակտիվ մասնակցությունը:

Շրջանավարտներին ողջույնի խոսք հղեցին կառավարման ամբիոնի վարիչ դոց. Ա. Մարդոյանը, իրավագիտության ամբիոնի դասախոս Ա. Աղասյանը և օտար լեզուների ամբիոնի վարիչ Ս. Հակոբյանը:

Հետաքրքրական էր, երբ դիպլոմներ էին ստանում  նաև միջազգային փոխանակման ծրագրերին  մասնակից ուսանողները, ովքեր  դրվատանքի խոսքեր ուղղեցին համալսարանի ղեկավարությանը և հիմնադիրների խորհրդին՝այսպիսի բացառիկ հնարավորություն ընձեռելու համար:

Ներկաները առանձնապես ջերմությամբ ընդունեցին համալսարանի Կառավարման մասնագիտության մագիստրանտ Ասյա Հայրապետյանին, ով վեց ամիս տևողությամբ ուսուցումը շարունակել էր Իտալիայի Տուշիա համալսարանում և այժմ բուհը ավարտեց գերազանց առաջադիմությամբ:

     Մեծ ոգևորությամբ ներկաները դիմավորեցին ՀՀ պաշտպանության և ոստիկանության համակարգի աշխատակից-շրջանավարտներին:

Անհրաժեշտ ենք համարում հատուկ ընդգծել այն փաստը, որ բակալավրիատի բազմաթիվ շրջանավարտներ ցանկություն են հայտնել ուսուցումը շարունակելու համալսարանի մագիստրոսական կրթական ծրագրում:

 

 

 

 

 

ԵՄՀ ուսանողները՝ ՀՀ Արդարադատության նախարարության քրեակատարողական ծառայության 107-ամյակի աշխատաժողովին

«Եվրասիա» միջազգային համալսարանի Իրավագիտության ամբիոնի 3-րդ կուրսի ուսանողներ Էլեն Շահբազյանը, Մարինա Սահականը և Մարիաննա Վարդանյանը մասնակցել են Հայաստանի Հանրապետության Արդարադատության նախարարության քրեակատարողական ծառայության 107-ամյակի արթիվ

Վերապատրաստում օտար լեզուներ դասավանդողների համար

Եվրասիա միջազգային համալսարանում անցկացվեց «Արհեստական բանականության գործիքների արդյունավետ կիրառումը օտար լեզվի ուսուցման գործընթացում հատուկ կրթական կարիքներ ունեցող սովորողների համար» վերապատրաստումը։ Վերապատրաստումն իրականացվեց ԵՄՀ ներհամալսարանական հետազոտական

«Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ»․ Եվրասիա միջազգային համալսարանի մասնակցությունը միջազգային գիտաժողովին

ԵՊՀ տնտեսագիտության և կառավարման ֆակուլտետում անցկացվել է «Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ» խորագրով միջազգային գիտաժողով, որին Եվրասիա միջազգային համալսարանից