Քոլեջ-բուհ համագործակցության ակտիվացման, մասնագիտական կրթության արդյունավետության բարձրացման նպատակով Եվրասիա միջազգային համալսարանը վերակնքեց հագործակցության պայմանագիրը Երևանի Ն.Աճեմյանի անվան տարածաշրջանային թիվ 2 պետական քոլեջի հետ:
Պայմանագրի փոխգործակցության շրջանակներում նախատեսվում է իրականացնել մի շարք ծրագրեր, որոնք ուղղված կլինեն մասնագիտական կրթական հիմքերի ամրապնդմանը, միջազգային նորարար ծրագրերի ներդրմանը:
Պայմանագրի ստորագրումից հետո կողմերը շնորհավորեցին միմյանց՝ ընդգծելով, որ մեծ ճանապարհ ունեն միասին անցնելու:
ԵՄՀ ռեկտոր Սուրեն Օհանյանը նշեց, որ Պայմանագիրը նախադեպ կհանդիսանա բազմակողմանի ձևաչափով համագործակցության խորացման, որի ուղղությամբ քայլերից մեկն է հանդիսանալու մասնագիտական ամբիոնի նախաձեռնությամբ դասընթացների կազմակերպումը։
«Այս պայմանագիրն արտացոլում է Եվրասիա միջազգային համալսարանի՝ Երևանի Ն.Աճեմյանի անվան տարածաշրջանային թիվ 2 պետական քոլեջի հետ համագործակցությունը զարգացնելու ցանկությունը, և մենք ակընկալում ենք, որ քոլեջը նույնպես ակտիվ կմիանա դրան համատեղ աշխատանքային խմբի շրջանակներում», – նշեց բուհի ռեկտորը։
Իր խոսքում քոլեջի տնօրեն Կառլեն Հայրապետյանը համոզմունք հայտնեց, որ- «ուսումնական հաստատությունների համագործակցության ակտիվացումը և պատրաստակամությունը թույլ կտա հասնել կոնկրետ նախագծերի իրականացմանը»: Տնօրենը նույնպես բարձր գնահատեց ԵՄՀ-ի հետ հաստատված կապը, նշելով, որ կողմերի համաձայնեցված համատեղ գործողությունների երկարատև ծրագիրը նախադրյալներ է ստեղծել կայուն գործընկերության։
Հանդիպման ավարտին Եվրասիա միջազգային համալսարանի ռեկտորին տնօրեն Կառլեն Հայրապետյանը նվիրեց իր մակագրությամբ գիրք:
