ԵՄՀ ՄԻՋԱԶԳԱՅԻՆ

 

«Դոկտորական կրթության բարեփոխումը Հայաստանում՝ ակադեմիական համայնքի,  արդյունաբերության պահանջներին և ԵՄ փորձին համապատասխան» (ARMDOCT)

Ընդհանուր տեղեկություն․

• Ծրագրի կոդ՝ 609850-EPP-1-2019-1-AM-EPPKA2-CBHE-SP
• Տևողություն՝ 36 ամիս (2020-2023)
• Բյուջե՝ 962,516.67 եվրո
• Համակարգող՝ Եվրասիա միջազգային համալսարան (ԵՄՀ)
• Կայքէջ՝ armdoct.com
• Ֆեյսբուքյան Էջ՝ facebook.com/armdoct/
• Լինկդին Էջ՝ linkedin.com/company/armdoct

Ծրագրի հակիրճ նկարագիրը․

ARMDOCT ծրագիրը նպատակ ունի բարեփոխելու դոկտորական կրթությունը Հայաստանում Զալցբուրգի սկզբունքներին համահունչ՝ ազգային քաղաքականության և իրավական կար­գավորող փաստաթղթերի, ինստիտուցիոնալ ընթացակարգերի վերանայման, գիտության և հետազոտության ինտեգրման համար անհրաժեշտ համակարգի ապահովման միջոցով։ Ծրագիրը նպատակ ունի խթանելու բուհերի և գիտահետազոտական ինստիտուտների, արդյունաբերական ոլորտի սերտ համագործակցությունը՝ ուղղված դոկտորական կրթության միջազգայնացմանը, Եվրոպական բարձրագույն կրթական տարածքին (EHEA) և Եվրոպական բարձրագույն հետազոտական տարածքին (ERA) ինտեգրմա­նը։

Ծրագրի առանձնահատուկ նպատակներն են․

• Բարձրագույն ուսումնական հաստատությունների և Գիտությունների ազգային ակա­դեմիայի գիտահետազոտական ինստիտուտների, ՀՀ կրթության, գիտության, մշա­կույթի և սպորտի նախարարության (ԿԳՄՍ) ռազմավարական, ենթա­կառուց­ված­քա­յին և մար­դկային ռեսուրսների կարողությունների զարգացում։
• Ազգային նոր քաղաքականության, իրավական փաստաթղթերի մշակում և ԿԳՄՍ կողմից փորձնական ներդրման նպատակով հաստատում։
• Ինստիտուցիոնալ քաղաքականությունների և ընթացակարգերի մշակում ազգային վերա­փոխված փաստաղթերի հիման վրա և Դոկտորական կրթության կազմա­կերպ­ման ձեռ­նարկի մշակում։
• Դոկտորական 5 դպրոցների հիմնում և գործարկում՝ Բարձրագույն ուսումնական հաս­տա­տությունների, գիտահետազոտական ինստիտուտների և արդյունաբերության միջև սերտ համագործակցության ապահովմամբ։

Գործընկերներ

Ծրագիրը ներառում է 15 անդամ, այդ թվում 4 ԵՄ բարձրագույն ուսումնական հաս­տա­տութ­յուններ, 8 բարձրագույն ուսումնական հաստատություն և 2 գիտահետազոտական ինստի­տուտ Հա­յաս­տանի Հանրապետությունից, ինչպես նաև ՀՀ կրթության, գիտության, մշակույթի և սպոր­տի նա­խարարությունը։

ՀՀ համագործակիցներ

1. Եվրասիա միջազգային համալսարան (ԵՄՀ) (Համակարգող)
2. Հայաստանում ֆրանսիական համալսարան (ՀՖՀ)
3. Երևանի պետական համալսարան (ԵՊՀ)
4. Վ․ Բրյուսովի անվան պետական համալսարան (ԲՊՀ)
5. Հայաստանի ազգային պոլիտեխնիկական համալսարան (ՀԱՊՀ)
6. Խաչատուր Աբովյանի անվան հայկական պետական մանկավարժական համալսարան (ՀՊՄՀ)
7. Երևանի Մխիթար Հերացու անվան պետական բժշկական համալսարան (ԵՊԲՀ)
8. Վանաձորի Հովհաննես Թումանյանի անվան պետական համալսարան (ՎՊՀ)
9. ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտ (ԻԱՊԻ)
10. ՀՀ ԳԱԱ Գիտակրթական միջազգային կենտրոն (ԳԿՄԿ)
11. ՀՀ Կրթության, գիտության, մշակույթի և սպորտի նախարարություն (ԿԳՄՍՆ)

Եվրոպական համագործակից բուհեր

12. Պորտուգալիայի կաթոլիկ համալսարան (Պորտուգալիա)
13. Ժան-Մուլեն Լիոն 3 համալսարան (Ֆրանսիա)
14. Տերամոյի համալսարան (Իտալիա)
15. Վիլնիուսի պետական համալսարան (Լիտվա)

Հրապարակումներ

Գիտական բարեվարքության ուղեցույց / Կազմողներ` Մ. Հարությունյան, Հ. Վերմիշյան, Ա. Խվորոստյանկինա, Հ. Հովհաննիսյան.- Եր.։ Եվրասիա միջազգային համալսարան, 2023

Կայքէջ՝ https://www.armdoct.com/

ԵՄ եւ գործընկեր երկրների բարձրագույն կրթության, հետազոտության եւ նորարարության բնագավառների միջազգայնացման ներդաշնակության զարգացման ծրագիր է (HARMONY)

Եվրասիա միջազգային համալսարանը հանդիսանում է «Հարմոնիա» ծրագրի հայաստանյան գործընկերն ու իրականացնողը՝ համագործակցելով Իսպանիայի Սևիլիայի համալսարանի հետ:

Ծրագրի համակարգող

• Սևիլիայի համալսարան (Իսպանիա)

Ծրագրի գործընկերները 

Եվրոպական գործընկերներ 

• Բիրմինգհեմի Աստոն համալսարան, (Միացյալ Թագավորություն) ԲԱՀ
• Հռոմի Լա Սապիենցա համալսարան (Իտալիա) ՀԼՍՀ
• Տոմարի Պոլիտեխնիկական ինստիտուտ (Պորտուգալիա) ՏՊԻ
• Սալոնիկի Ալեքսանդրիա տեխնոլոգիական կրթական ինստիտուտ (Հունաստան) ՍԱՏԿԻ

Համագործակցող հաստատություններ Բելառուսից

• Բելառուսի պետական համալսարան
• Բելառուսի սպառողական կորպորացիաների առևտրատնտեսական համալսարան
• Բելառուսի Կրթության և Գիտության Նախարարություն

Համագործակցող հաստատություններ Հայաստանից

• Եվրասիա միջազգային համալսարան-ԵՄՀ
• Հայ-ռուսական (Սլավոնական) համալսարան
• ՀՀ Կրթության և Գիտության նախարարություն

Համագործակցող հաստատություններ Ռուսաստանի Դաշնությունից

• Վորոնեժի պետական համալսարան
• Դոնի Ռոստովի հարավային դաշնային համալսարան
• Պենզայի պետական համալսարան
• Մոսկվայի միջազգային գիտատեխնոլոգիական և կրթական ծրագրերի վերլուծական կենտրոն
• ՌԴ-ի Կրթության և Գիտության նախարարություն

Ծրագրի նկարագիրը 

HARMONY–ն եռամյա ծրագիր է, որի շրջանակներում հնարավորություն է ընձեռնվում համագործակցել միջազգային առաջատար բուհերի հետ, իրականացնել նորարարական և փոխանակման ծրագրեր: Ծրագրի շրջանակում նախատեսվում է միջազգային գործունեության վերաբերյալ տեղեկատվության հավաքագրման և վերլուծության մեթոդոլոգիաների մշակում, միջազգային գործունեության միջազգային փորձի ուսումնասիրություն, ՀՀ-ի, ՌԴ-ի և Բելառուսի բուհերի միջազգային գործունեության վերլուծություն, միջազգայնացման ռազմավարության ընդհանուր և հենքային մշակում, ՀՀ-ի, ՌԴ-ի և Բելառուսի բուհերի մասնագետների մասնագիտական որակավորման բարձրացում:  

Ծրագրի նպատակը

HARMONY ծրագրի նպատակն է բարձրացնել բարձրագույն կրթության գրավչությունը, բարձրագույն ուսումնական հաստատությունները դարձնել բարձրագույն կրթական համակարգի, հետազոտության և նորարարության բնագավառների իրադարձությունների գերազանցության կենտրոններ` համաշխարհային իրադարձությունների համատեքստում` նշված ոլորտներում ազգային ռազմավարության համաձայն:

Ծրագրի մուտքային և ելքային արդյունքները

Եռամյա այս ծրագիրը ԵՄ և գործընկեր երկրների նշված ոլորտների միջազգայնացման ռազմավարական ծրագրերում  իր ներդրումը կունենա միջազգային ցանցի ստեղծմամբ, ակադեմիական եւ հետազոտական նախագծերի, համատեղ ծրագրերի իրականացմամբ եւ կրկնակի (բազմակի) աստիճանի ներդրմամբ: ՀՀ-ում, ՌԴ-ում և Բելառուսում կրթության արդիականցումը, հասանելիությունը և միջազգայնացումը դրական ազդեցություն կունենան միջազգային ակադեմիական հանրության և միջազգային ցանցերի վրա, ինչպես նաև կբարձրացնի բարձրագույն կրթության գրավչությունը:

HARMONY ծրագիրը մեկնարկել է 2015 թվականի հոկտեմբերին և ավարտվել է 2019 թվականի մարտին:

ԾՐԱԳՐԻ ՆՈՐՈՒԹՅՈՒՆՆԵՐԸ

1. Էլեկտրոնային տեղեկագիր 2016
2. Էլեկտրոնային տեղեկագիր 2017
3. Էլեկտրոնային տեղեկագիր 2017 -2
4. Էլեկտրոնային տեղեկագիր 2018

 

Եվրասիա միջազգային համալսարանը հանդես կգա որպես «Հատուկ կարիքներով մարդկանց հասանելիությունը հասարակությանը» ծրագրի հայաստանյան կոորդինատոր TEMPUS IV ծրագրի շրջանակներում:http://www.aspire-tempus.eu/

Ծրագրի գործընկերները

Եվրոպական գործընկերներ 

• Էջ Հիլլ Համալսարան (Միացյալ Թագավորություն) ԷՀՀ 
• Պիրամիդ Գրուպ (Գերմանիա) ՊԳ
• Լիմերիկ տեխնոլոգիայի ինստիտուտ (Իռլանդիա)ԼՏԻ
• Կոսայիսի Տեխնիկական Համալսարան (Սլովակիա) ԿՏՀ

Համագործակցող հաստատություններ Վրաստանից

• Իլյայի պետական համալսարան— Համակարգող –ԻՊՀ
• Շոթա Ռուսթավելու անվան պետական համալսարան-ՇՌՊՀ
• Ախլցխայի  պետական մանկավարժական համալսարան- ԱՊՄՀ
• Վրաստանի ասարակայնության հետ Կապերի Ինստիտուտ- ՎՀԿԻ
• Վրաստանի փոստային ռռաքման ասոցիացիա-ՎՓԱԱ,

Համագործակցող հաստատություններ Հայաստանից

• Եվրասիա միջազգային համալսարան-ԵՄՀ
• Խաչատուր Աբովյանի անվան հայկական պետական մանկավարժական համալսարան-ՀՊՄՀ 
• Գորիսի պետական համալսարան-ԳՊՀ 
• Հայաստանի Հանրապետության պետական կառավարման ակադեմիա-ՀՀՊԿԱ 
• Հույսի կամուրջ 

Ծրագրի նկարագիրը 

ASPIRE ծրագրի նպատակն է աջակցել առանձնահատուկ կարիք ունեցող անհատների կրթական իրավունքի մատչելիությանը և առօրյա  հասարակական կյանքին նրանց ինտեգրմանը, պայքարել առանձնահատուկ կարիք ունեցող անհատների նկատմամբ կիրառվող խտրականության դեմ` Բոլոնիայի գործընթացին և ՄԱԿ-Ի Հաշմանդամների իրավունքների մասին կոնվենցիային համապատասխան, արմատավորել հասարակության մեջ իրազեկվածություն և հանդուրժողականություն:  Առանձնահատուկ կարիք ունեցող անհատներից քչերն են ստանում լիարժեք կրթություն,  քանի որ նրանք օտարվում են հասարակությունից, մի կողմից  ոտնահարման, մյուս կողմից ռեսուրսների տրամադրման և ֆիզիկական ադապտացիայի պակասի արդյունքում: Տնային պայմաններում կատարվող դասավանդումը կարող է չհամապատասխանել աշխատանքային կյանքի պահանջներին, ուստի այս անհատները կրթությունից հետո զրկվում են ինքնուրույն կյանք վարելու հնարավորությունից:

Ծրագրի նպատակը

ASPIRE ծրագրի նպատակն է Հայաստանում և Վրաստանում իրականացնել եռաստիճան համապարփակ և կայուն ուսումնական ծրագիր հետևյալ թիրախային խմբերում:

• ՈՒսուցիչ վերապատրաստող մանկավարժներ և դասախոսներ (Համալսարաններ)
• Կառավարություն և Պետական ծառայողներ, Քաղաքականություն մշակողներ (Հանրային Կառավարման մանկավարժներ)
• ՀԿ (Ոչ համալսարանական մանկավարժներ)

Ծրագրի մուտքային և ելքային արդյունքները

Ութ մոդուլներից բաղկացած ուսումնական ծրագիրը (հատուկ կարիքներով ուսանողների համար նախատեսված ներածական (գործնական) մոդուլներ և խորացված մոդուլներ), որը ներառված է համալսարանների, պետական ​​կառավարման ինստիտուտների և հատուկ կարիքների հասարակական կազմակերպությունների ուսումնական ծրագրերում, ապահովում է առավելագույն փոխանցելի ազդեցությունը հասրակության լայն շերտերին:

Յուրաքանչյուր հաստատությունում մշակվել է ներառական մեթոդիստի պատասխանատուի դերը, որը կնպաստի բուհերում հատուկ կարիքներով ուսանողների ինտեգրմանը։

Համալսարանների, հանրային կառավարման ինտիտուտների, նախարարությունների և հասարակական կազմակերպությունների մաս կազմող ռազմավարական նախաձեռնող խմբերի կողմից սահմանվել է Ազգային Իրազեկման Օր: