Եվրասիա միջազգային համալսարանն ընդլայնում է իր համագործակցությունը եվրոպական բուհերի հետ։ Առաջիկա տարիներին ԵՄՀ ուսանողները հնարավորություն կունենան ուսումնառել նաև Հռոմի Սապիենզա համալսարանում։ Էրազմուս+ միջազգային շարժունության ծրագրի շրջանակում կնքված պայմանագիրը հնարավորություն է ընձեռնում համագործակից բուհերին իրականացնել երկկողմ կրթական փոխանակման ծրագրեր:
Տեղեկացնենք, որ Հռոմի Սապիենզա (Սապիենցա) համալսարանն Իտալիայի ամենահեղինակավոր և աշխարհի ամենահնագույն համալսարաններից մեկն է, որն ունի շուրջ յոթ հարյուր տարվա պատմություն (կառուցվել է 14-րդ դարի սկզբին):