Եվրասիա միջազգային համալսարանը կնքեց համագործակցության հուշագիր «ԱՐՓԻՆԵՏ» ՍՊԸ-ի հետ:
Սույն համագործակցության շրջանակում բիզնես-բուհ երկկողմ հարաբերությունների խթանման միջոցով կիրականացվեն կրթական և գիտական, գիտահետազոտական ծրագրեր, կկազմվեն և կկենսագործվեն համատեղ մագիստրոսական կրթական ծրագրեր, կկազմակերպվեն գիտաժողովներ, սեմինարներ, քննարկումներ, և այլն:
Կարևորելով սույն համագործակցության հաստատումը՝ ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանը նշեց, որ ներկայիս աշխատաշուկան տեսական գիտելիքների հետ մեկտեղ պահանջում է գործնական հմտությունների տիրապետում, ըստ այդմ, անհրաժեշտ է հաստատել ընկերության հետ կայուն համագործակցություն, և համատեղ նպաստել բանիմաց շրջանավարտների պատրաստմանը:
«ԱՐՓԻՆԵՏ» ՍՊԸ-ի տնօրեն Աթանես Մարգարյանը հավելեց, որ կարևորում է համատեղ ծրագրերի իրականացումը և գիտության ու պրակտիկայի միջև կապը: Իր հերթին, կազմակերպությունը լիարժեք պատրաստակամ է մասնակցելու ուսումնական գործընթացին, իսկ համատեղ իրականացվելիք բովանդակալից աշխատանքի արդյունքը կլինի բանիմաց շրջանավարտի պատրաստումը: