Դասընթացը վարում էր Ակադեմիքս Թիմ (Akademix Team) բիզնես խորհրդատվական ընկերության հիմնադիր Լիլիթ Ճուղուրյանը, «Մերչենդայզինգի հիմունքներ» դասընթացի հեղինակը:

Հանդիպման առաջին հատվածում դասընթացավարը մասնակիցներին ներկայացրեց մերչենդայզինգի էությունը, կիրառման անհրաժեշտությունը և զարգացման պատմական ակնարկը:
Հանդիպման երկրորդ հատվածում պրակտիկ ձևաչափով, լայնէկրան սլայդ-ցուցադրությամբ մասնակիցները ուսումնասիրեցին մերչենդայզինգի հիմնական տեսակները, առանձնահատկությունները,մերչենդայզինգ
չափանիշները: Միջազգային առևտրային կետերի, իրավիճակային դեպքերի հիման վրա ծանոթացան ապրանքների դասավորության մերչենդայզինգ կանոններին:

Հանդիպման վերջում,գործնական օրինակներով դիտարկվեցին առևտրի կազմակերպման, ապրանքների վաճառքի խթանման, առևտրային տարածքերի ռացիոնալ կազմակերպման, վաճառքի խթանման տեխնոլոգիաները և միջոցառումները:

Դասընթացը կրեց ինտերակտիվ բնույթ, հնարավորություն ընձեռեց արժեքավոր գիտելիքներ ձեռք բերել, իսկ պրակտիկ ներկայացումը թույլ տվեց անմիջապես տեղում՝ հանդիպման ավարտին, դասընթացավարի
օգնությամբ գնահատելու, վերլուծելու տեղական շուկան՝ զուգահեռ ստանալով ճշգրտումներ: