ԵՄՀ ֆարմացիա ամբիոնի վարիչ Նաիրա Արշակյան
—————————————————————————
Խնդրում ենք նշել երեք պատճառ, թե ինչու՞ եք աշխատում ԵՄՀ–ում:
- ԵՄՀ-ի գլխավոր առավելությունը բացառիկ թիմն է, կայացած թիմային աշխատանքը, ուր հավասարապես կարևոր են բոլոր օղակները:
- ԵՄՀ-ի գլխավոր հարստությունը կադրերն են. կրթական ծրագրի իրականացումը ապահովվում է հենքային լավագույն կրթություն ունեցող, հանրապետության և արտասահմանյան լավագույն բուհերում վերապատրաստված, պարբերաբար գիտական և գիտամեթոդական գործունեությամբ զբաղվող, նաև գործատու հանդիսացող կադրերով:
- ԵՄՀ-ում գլխավոր առաջնահերթությունը պատասխանատվությունն է՝ ստանձնած բոլոր պարտավորությունները բացառիկ պրոֆեսիոնալիզմով իրականացման համար:
Ի՞նչ խորհուրդ կտաք դիմորդին մասնագիտություն ընտրելիս, ինչպե՞ս կողմնորոշվել:
Ցանկացած դիմորդ լուծում է երկու կարևոր առաջնահերթություն՝ մասնագիտության ընտրություն և բուհի ընտրություն:
Մասնագիտություն պետք է ընտրել անպայման հոգու կանչով, սիրով և նվիրումով, որովհետև երջանիկ և հաջողակ է այն ընտրությունը, որն ուղեկցում է մեզ ամբողջ կյանքում, օգնում է ինքնահաստատվել և օգտակար լինել նաև մեր շրջապատի համար:
Բուհի ճիշտ ընտրությունը նպաստում է մեր երազանքների իրականացմանը՝ լավագույն և մրցունակ կրթություն ստանալու ճանապարհին: ԵՄՀ-ն մեր երկրի եզակի ուսանողակենտրոն կրթական հաստատություններից է: Այստեղ յուրաքանչյուր ուսանողի ցուցաբերվում է անհատական մոտեցում: Մենք առաջարկում ենք Ճկուն ծրագրեր, որոնք հնարավորություն են տալիս ստանալ միջազգային չափորոշիչներին համապատասխան կրթություն, ինչպես նաև ստանալ ներկայումս շատ մեծ պահանջարկ վայելող միջդիսցիպլինար կրթություն՝ հետևյալ գործիքների օգնությամբ․
- Ընտրովի առարկաներ
- Կրկնակի դիպլոմ
Ի՞նչ խորհուրդ եք սովորաբար տալիս Ձեր ուսանողներին՝ ապագա հաջողակ կարիերա կառուցելու համար։
Խորհուրդս է՝ միայն ու միայն սովորել, բուհի կողմից տրված յուրաքանչյուր հնարավորությունն օգտագործել մասնագիտության մեջ աճելու համար. այս բանաձևն ինքնըստինքյան կտանի ապագայում մեծ պահանջարկ վայելող մասնագետ դառնալու ուղով: