Ավանդույթի համաձայն՝ ուսանողներին մեկնելուց առաջ բարի ճանապարհ մաղթեց ԵՄՀ ռեկտոր, աշխ.գիտ.դոկտոր, պրոֆեսոր Սուրեն Օհանյանը: Նա խորհուրդ տվեց օտարության մեջ խստորեն պահպանել համավարակից պաշտպանվելու անձնական բոլոր կանոնները, հարգել հյուրընկալող երկրի օրենքները, Ավելի շատ ուշադրություն դարձնել զանազան հմտություններ, հատկապես գործնական, ստեղծագործական, մասնագիտական և այլն ձեռք բերելուն, Հասկանալ տեղացի ուսանողների սովորելու բարձր մոտիվացվածության իմաստը, Ծանոթանալ հյուրընկալող երկրի մշակութային արժեքներին, բացահայտել տարբերություններ, նորը գրի առնել, շատ շրջագայել, Պատրաստ ունենալ մեր երկրի մասին սահիկաշար, աշխատել շփվել անգլախոս լեզվակիր

ուսանողների հետ և այլն:

Ոգևորված բուհի ռեկտոր Սուրեն Օհանյանի քաջալերող խոսքերից՝ հանդիպման ավարտին, ուսանողները խոստացան ո՛չ միայն պահպանել բարձր առաջադիմությունը, այլև սեփական օրինակով լավագույն օրինակը դառնալ բուհի ուսանողների համար և վերադառնալ բացառապես հաղթանակած:

Նշենք, որ շարժունության ծրագրի շրջանակում ԵՄՀ վեց ուսանողի հնարավորություն է ընձեռվել գարնանային կիսամյակի իրենց ուսումնառությունը շարունակել Վարշավայի բնական գիտությունների համալսարանում (Լեհաստան) և Վալենսիայի համալսարանում (Իսպանիա):

ԵՄՀ ողջ թիմը ևս մեկ անգամ շնորհավորում է կրթաթոշակակիրներին, մաղթում է հաջողություն իր ուսումնատենչ ուսանողներին:

Մենք ուշիուշով կսպասենք նրանց ձեռքբերումներին և կկիսվենք հաջողություններով: