Կառավարում

Ծրագրի նկարագրությունը

Էլեկտրոնային բիզնեսի կառավարում մագիստրատուրան նախատեսված է բավարարելու աշխատաշուկայի կողմից թվային բիզնեսի վերաբերյալ գիտելիքներով և հմտություններով օժտված շրջանավարտների առկա պահանջարկը։ Ծրագիրը ծանոթացնում է ժամանակակից տեխնոլոգիաներին և դրանց կիրառմամբ բիզնեսի կառավարման հնարավորությունների հետ։ ։

Ծրագրի անվանումը. «Էլեկտրոնային բիզնեսի կառավարում» մագիստրատուրա

Տևողությունը.  1․5 տարի

Լեզուն.  Հայերեն/Անգլերեն

Ուսուցման ձևը. Առկա, հեռավար, խառը

Վայրը. Երևան/Հայաստան

Ու՞մ է համար է ծրագիրը

Մագիստրոսական ծրագիրը միջդիսցիպլինար է, այսինքն մեկտեղվում են և կառավարման, և տեղեկատվական տեխնոլոգիաների կոնցեպտները։ Թեև ծրագրին կարող են դիմել ցանկացած բակալավրի կրթություն ունեցող անձինք, շատ կարևոր է, որպեսզի դիմորդը ունենա հետաքրքրություն տեղեկատվական տեխնոլոգիաների նկատմամբ։

Ընդհանրական վերջնարդյունքներ

• Դրսևորում է մայրենի և օտար լեզուներով գրավոր և բանավոր հաղորդակցվելու կարողունակություն
• Դրսևորում է տեղեկատվության կառավարման (տարբեր աղբյուրներից տեղեկատվություն արդյունավետ փնտրելու, գտնելու, մեկնաբանելու, մշակելու, վերլուծելու և պահպանելու) կարողունակություն
• Դրսևորում է առաջնորդության, թիմային աշխատանքի և պատասխանատվության կարողունակություն
• Դրսևորում է ինքազարգացման կարողունակություն
• Դրսևորում է նախաձեռնողականության և ձեռներեցության հմտություններ
• Դրսևորում է նախագծեր մշակելու և կառավարելու կարողունակություն

Մասնագիտական վերջնարդյունքներ

• Գիտի տարբեր գործունեությամբ զբաղվող կազմակերպությունների գործառնական ոլորտների (գնումներ, արտադրություն, հաշվապահություն, մարքեթինգ, ֆինանսներ, կառավարում, մարդկային ռեսուրսներ, արտադրություն, գնումներ, հասարակայնության հետ կապեր, գովազդ և այլն) կառավարման արդի և հիմնարար հասկացությունները, տեսություններն ու մեթոդները և ունի առաջադեմ գիտելիք
• Հասկանում է էլեկտրոնային բիզնեսի լուծումների կարևորությունը և հիմնական մոդելները (B2B, B2C, C2C,G2B, G2C. G2G)
• Գիտի էլեկտրոնային բիզնեսի իրավական կարգավորման ազգային, եվրոպական և միջազգային գործընթացները
• Հասկանում է հիպերտարածությունում ձեռներեցության առանձնահատկությունները
• Տիրապետում է նախագծերի և գործընթացների կառավարման հմտությունների՝ կիրառելով արդիական ՏՀՏ գործիքներ
• Տիրպատում է բիզնեսի և կառավարման ոլորտներում քանակական և որակական հետազոտությունների անցկացման և համապատասխան մեթոդների կիրառման հմտություններին
• Տիրապետում է հաղորդակցման տարաբնույթ միջոցների արդյունավետ կերառման հմտություններին
• Կարող է մշակել էլեկտրոնային բիզնեսի ռազմավարական ծրագիր և կառավարել ներդրման ընթացքը
• Կարող է իրականացնել էլեկտրոնային մարքեթինգ, էլեկտրոնային առևտուր
• Կարող է իրականացնել մարքեթինգային հետազոտություններ, Էլ. Բիզնեսի բնագավառում մարքեթինգային հետազոտություն իրականացնելու նպատակով կիրառել համապատասխան գիտելիքներ և գործիքակազմ
• Կարող է համագործակցային ուսուցման մեթոդներով դասավանդել կառավարում մասնագիտության տարաբնույթ առարկաներ
• Կարող է վերլուծել Ֆինանսական հաշվետվություններ մասնագիտական աշխատանքի ընթացքում
• Կարող է կազմակերպությանը, ինչպես նաև առանձին նախագծերի շրջանակներում ներկայացնել առաջարկներ ռազմավարական գործողությունների պլանավորման և ներդրման ընթացքում
• Կարող է զարգացնել հիպերտարածության վրա հիմնված բիզնեսներ
• Կարող է տրամադրել խորհրդատվություն էլեկտրոնային բիզնեսի հիմնման և ընթացիկ խնդիրների լուծման նպատակով
• Կարող է ՏՀ-երի կիրառմամբ կազմակերպել նորամուծական շուկաների առաջխաղացումը
• Կարող է արդյունավետ կերպով կիրառել տեղեկատվական տեխնոլոգիաները բիզնես գործընթացների մեջ, ներդնել էլեկտրոնային բիզնեսի լուծումներ, տեխնոլոգիաներ, ծառայություններ` գնահատելով առկա հնարավորությունները, բարձրացնելով կազմակերպության մրցունակությունը
• Կարող է կրել պատասխանատվություն սեփական և թիմային նախաձեռնությունների համար, կազմակերպել աշխատանքը գործընկերների և հաճախորդների հետ արագ և արդյունավետ համագործակցելու նպատակով

Հիմնական առարկաներ։ Առաջին և երկրորդ կիսամյակներում տեղի է ունենում առարկայական ուսուցումը, որի ընթացքում ուսանողները գիտելիքներ են ձեռք բերում մասնագիտության համար հիմք հանդիսացող առարկաներից։ Այս առարկաները տվյալ մասնագիտության բոլոր ուսանողների համար պարտադիր են։ Առաջին երկու կիսամյակների ընթացքում մեծ ուշադրություն է դարձվում նաև հմտություններ ձևավորող առարկաներին, որի նպատակն է ուսանողների մոտ ձևավորել հետազոտական հմտություններ և փափուկ հմտություններ։

• Էլեկտրոնային բիզնեսի կառավարման հիմունքներ
• Մարդկային ռեսուրսների կառավարում
• Հետազոտության մեթոդներ*
• Մասնագիտական անգլերեն
• Ռազմավարական կառավարումը էլեկտրոնային բիզնեսում
• Մարքեթինգի կառավարում
• Բիզնես պրոցեսների կառավարում
• Կառավարչական հաշվառում

Հետազոտական հմտությունները ուսուցանվում է երկու կիսամյակների ընթացքում, որի ժամանակ ուսանողները սովորում են հավաքագրել և վերլուծել ինչպես որակական, այնպես էլ քանակական տվյալները և ծառայեցնել հետազոտական աշխատանքը հյուրընկալության ոլորտի որևէ կառավարչական խնդիրներ լուծելու նպատակին։ Ուսուցումը իրականացվում է ժամանակակից ծրագրերի օգնությամբ։

Փափուկ հմտությունները նույնպես դասավանդվում է երկու կիսամյակների ընթացքում ևներառում է բոլոր անհրաժեշտ հմտությունները, որոնք  ժամանակակից գործատուն պահանջում է իր աշխատակիցներից, ներառյալ բիզնես հաղորդակցման, բանակցելու, ներկայացման և համոզիչ խոսքի, կոնֆլիկտների կառավարման, մարդկանց առաջնորդելու և այլ հմտություններ։

Ընտրովի առարկաներ։ Բացի հիմնական առարկաներից, ուսանողները հնարավորություն են ունենում առարկաներ ընտրել նաև ընտրովի առարկաների ցանկից։ Ընտովի առարկաների ընտրությունը կախված է ուսանողների նախասիրություններից և կարիերայի պլաններից։ Ընտրովի առարկաների ցանկը ամբիոնի կողմից թարմացվում է յուրաքանչյուր տարի՝ հաշվի առնելով աշխատաշուկայի և տնտեսության փոփոխության արագ տեմպերը։ Նախորդ տարիներին առաջարկվել են․

• Ճկուն նախագծերի կառավարում
• Թվային մարքեթինգ
• Կառավարման տեղեկատվական տեխնոլոգիաներ
• UX դիզայն/ Վեբ դիզայն և այլն։

Տվյալ տարվա ընտրովի առարկաների ամբողջականը ցանկը կարող եք ստանալ Կառավարման և ՏՏ ամբիոնից։ Կամընտրական առարկաներ ընտրելու հնարավորություն տրվում է նաև Իրավագիտության, Օտար լեզուների և Ֆարմացիայի ամբոնների առարկաների ցանկից։

Գիտահետազոտական պրակտիկա և մագիստրոսական թեզ։ Մագիստրոսական ծրագրի վերջին կիսամյակը ամբողջությամբ տրամադրվում է հետազոտական աշխատանքին։ Այդ ընթացքում անցկացվում է նաև գիտահետազոտական պրակտիկան, որի համար վայրը ընտրվում է մագիստրոսական թեզի թեմային համապատասխան։ Կառավարման և ՏՏ ամբիոնը հետամուտ է լինում, որպեսզի մագիստրոսական թեզի թեմաները համաքայլ լինեն ՀՀ գիտության և տեխնիկայի զարգացման գերակայություններին, ինչպես նաև ՄԱԿ-ի կայուն զարգացման նպատակներին։

Կարիերայի հեռանկարներ

Ծրագրի շրջանավարտները կարող են դառնալ

• Թվային մարքեթոլոգներ
• Թվային նախագծերի ղեկավարներ
• Սեփական էլեկտրոնային բիզնեսի հիմնադիրներ
• Էլեկտրոնային բիզնեսի վերլուծաբաններ
• Բիզնես պրոցեսերի ավտոմատացման և թվայնացման մասնագետներ և այլն

Կառավարման և ՏՏ ամբիոնը կրթական ծառայություններ մատուցելուց բացի, ուսանողների համար իրենց ապագան կերտելու մեծ հնարավորություններ է ստեղծում։ Մասնավորապես․

Կապ գործատուների հետ։ Ծրագրի մասնակիցները պարբերաբար մասնակցում են հրավիրյալ գործատու դասախոսների մաստեր կլասերին, որոնց ժամանակ ոչ միայն ձեռք են բերում պրակտիկ գիտելիքներ, այլև արժեքավոր ծանոթություններ գործատուների հետ։ Լայն հորիզոններ է բացում նաև պրակտիկան, որից հետո շատ հաճախ մեր ուսանողները հրավիրվում են աշխատանքի հենց գործատուի կողմից։

Իմանալ ավելին․ 10 պատճառ՝ սովորելու ԵՄՀ-ում 

Ինչու՞ դիմել

Մենք առաջարկում ենք․

Ճկուն ծրագիր։ Մագիստրոսական ծրագիրը հնարավորություն է տալիս այն հարմարեցնել սեփական հետաքրքրություններին և կարիերայի պլաններին, ինչպես նաև ստանալ ներկայումս շատ մեծ պահանջարկ վայելող միջդիսցիպլինար կրթություն հետևյալ գործիքների օգնությամբ․

• Ընտրովի առարկաներ
  
• Կրկնակի դիպլոմ

Ճկուն գրաֆիկ: Ուսանողները կարող են նաև աշխատել ուսումնառության ընթացքում։ Դասընթացները իրականացվում են երեկոյան ժամերին կամ շաբաթ օրը՝ հիբրիդային ձևաչափով։

Հմուտ դասախոսական կազմ։  Մեր դասախոսները պրակտիկ, ոլորտի արհեստավարժ մասնագետներ են, որոնք լսարան են բերում իրենց պրակտիկ փորձը, ներկայացնում են իրական քեյսեր և խնդիրներ, որոնք վերլուծելով ուսանողները կարողանում են արդյունավետ կերպով համադրել տեսականն ու գործնականը։

Ուսուցում ժամանակակից ծրագրերի միջոցով։ Մեզ մոտ ուսուցումը միայն տեսական չէ։ Ուսանողները սովորում և հանձնարարությունները կատարում են այնպիսի արդի ծրագրերի միջոցով ինչպիսիք են Հայկական ծրագրերը, SPSS-ը, Microsoft Project-ը և այլն։

Միջազգային փոխանակման ծրագրերի հնարավորություն բարձր առաջադիմությամբ ուսանողների համար: