Եվրասիա միջազգային համալսարանի Տեղեկատվական համակարգեր մասնագիտության ուսանողներն այցելեցին IT ոլորտում առաջատար DISQO Արմնեիա ընկերություն:
Մասնագետները հանդիպեցին «Տեղեկատվական համակարգեր» բաժնի ուսանողների հետ:
Հանդիպման ընթացքում ընկերության ՄՌԿ ղեկավար Սոնա Գրիգորյանը, ծրագրերի ղեկավար Վահրամ Սահակյանը ներկայացրեցին իրենց ընկերության գործունեության հիմնական ուղղությունները, աշխատանքային և հանգստի պայմանները: Ընկերության հաջողությունների և ձեռքբերումների մասին պատմեցին նաև ծրագրավորող Անժելիկա Սահակյանը և ծրագրավորող, ճարտարագետ JAVA-ի մասնագետ Հայկ Մկրտչյանը՝ ընդգծելով հիմնարար գիտելիքի, ծրագրավորման լեզուների կարևորությունն ու արդիականությունը:
Մասնագետները սիրով պատասխանեցին մեր ուսանողների հարցերին, կիսվեցին իրենց մասնագիտական փորձով: Հանդիպումը ԵՄՀ ուսանողների հետ անցավ ջերմ մթնոլորտում:
