2018թ. հոկտեմբեր ամսից մեկնարկած «Պատանի դիվանագետի» և «Պատանի իրավաբանի» դպրոցների և փետրվարին կազմակերպված տեղեկատվական համակարգերի ուսուցման դասընթացների նախագծերը մոտեցան իրենց ավարտին: Նախագծերին ներգարվված էին տարբեր դպրոցների աշակերտներ: Դասընթացների մեկնարկից սկսած կազմակերպվեցին աշակերտների գիտելիքների ստուգում, որոնք շարունակվեցին ինչպես ընթացքում, այնպես էլ ավարտին։
Եվրասիա միջազգային համալսարանում արդեն երկու տարի շարունակ կազմակերպվող «Պատանի դիվանագետի» և «Պատանի իրավաբանի» դպրոցների նպատակն է մասնագիտական կողմնորոշման շրջանակներում ձևավորել ընդհանրական գիտելիքներ դիվանագիտության և իրավագիտության վերաբերյալ, աշակերտների մեջ զարգացնել դիվանագետին և իրավաբանին բնորոշ հատկանիշներ, ուղղորդել նրանց ինքնուրույն աշխատանքի՝ զարգացնելով վերջիններիս նախաձեռնողականությունը:
Նշենք նաև, որ դպրոցների շրջանակներում դասընթացավարներ Անի Հովասափյանի և Մերրի Շահբազյանի կողմից 
աշակերտների համար կազմակերպվեցին այցեր ՀՀ նախարարություններ, ՀՀ Ազգային ժողով, ՀՀ Փաստաբանների պալատ, հանդիպումներ եղան դեսպանների և ոլորտների պաշտոնատար այլ անձանց հետ: Վերոնշյալ կառույցներում աշակերտները հանդիպեցին ոլորտի լավագույն մասնագետներին, ծանոթացան կառույցների աշխատանքներին, քննարկեցին պրակտիկ օրինակներ՝ հարստացնելով դիվանագիտության և իրավագիտության իրենց գործնական գիտելիքները:
Արդյունավետ ընթացք ունեցան նաև տեղեկատվական համակարգերի ուսուցման անվճար դասընթացները, որոնք կազմակերպվեցին Masys 
Information Systems ընկերության հետ համատեղ։
Նախագծի ավարտին՝ ս.թ. մայիսի 31-ին, ԵՄՀ ռեկտոր Սուրեն Օհանյանի կողմից մասնակիցներին շնորհվեցին վկայականներ: Ռեկտորը շնորհավորեց աշակերտներին ծրագիրը փայլուն անցնելու համար, հավաստիացրեց, որ դպրոցի շրջանակներում ստացած գիտելիքները աշակերտների՝ որպես ապագա մասնագետների կողմնորոշման լավագույն սկիզբ կհանդիսանան։ Ռեկտորի հարցադրմամբ աշակերտները ներկայացրին իրենց առաջարկները հետագա դասընթացների բարելավման և նոր նախագծերի ստեղծման ուղղությամբ։