2020թ-ին «Մտավոր սեփականության իրավատերերի ակումբ» իրավապաշտպան հասարակական կազմակերպության կողմից հայտարարվել էր ամենամյա Մտավոր սեփականություն և տեղեկատվական տեխնոլոգիաներ 2020 մրցույթը, որի մասին հայտարարությունը համալսարանի իրավագիտության ամբիոնի կողմից լայնորեն տարածվել էր ուսանողների շրջանում։

Մագիստրատուրայի «Քաղաքացիական իրավունք և դատավարություն» մասնագիտության 1-ին կուրսի ուսանող Տիգրան Սարգսյանը, դիմելով ծրագրին, առավել կարևորեց ապրանքային նշանների հետ կապված իրավահարաբերությունների իրավակարգավորումը: Տիգրանը մրցույթին ներկայացավ «Ապրանքային նշանի իրավական պաշտպանության հիմնախնդիրները սպառողների շահերի և տնտեսական մրցակցության համատեքստում» թեմայով իր հետազոտությամբ, որը անմիջականորեն կապված էր իր մագիստրոսական թեզի թեմայի հետ։