ՕՐ 1 | Եվրասիա միջազգային համալսարանում մեկնարկեց «Համաշխարհային խաղաղության տեղական արմատները. Երիտասարդների ձայնը մարդու իրավունքների և գլոբալ անվտանգության վերաբերյալ» խորագրով 4-րդ ամենամյա միջազգային կոնֆերանսը, որը կազմակերպել է Եվրասիա միջազգային համալսարանը՝ ԵՄ Ժան Մոնե կրթական ծրագրի շրջանակներում, Սթոնհիլ քոլեջի (Մասաչուսեթս, ԱՄՆ) և Եվրասիա համագործակցություն հիմնադրամի հետ համատեղ:
Ներկաներին ողջունեց Եվրասիա միջազգային համալսարանի իրավագիտության ամբիոնի վարիչ, իրավաբանական գիտությունների թեկնածու Աննա Խվորոստյանկինան և ԱՄՆ Սթոնհիլ քոլեջի դոկտոր, ակադեմիական հարցերի գծով փոխնախագահ Պյոտր Ուբերտաչչիոն:
Կոնֆերանսի բանախոսներն են ԱՄՆ Սթոնհիլ համալսարանի պրոֆեսոր Աննա Օհանյանը, Սթոնհիլ քոլեջի պատմության դոցենտ Թոդ Գերնեսը, ինչպես նաև բազմաթիվ երկրների փորձագետներ ու բանախոսներ, մասնավորապես՝ Ամերիկայի Միացյալ Նահանգներից, Գերմանիայից, Իտալիայից, Բելգիայից, Լիբանանից, Վրաստանից, Գանայից և այլք:
