ԵՄՀ ՖԱՐՄԱՑԻԱ

• Ցույց է տալիս վերացական մտածողություն, վերլուծելու, սինթեզելու և խնդիրներ լուծելու կարողություն (քննադատական ​​մտածողություն)
• Մայրենի և օտար լեզուներով գրավոր և բանավոր հաղորդակցվելու ունակություն
• Համակարգչային և հեռահաղորդակցական տեխնոլոգիաների օգտագործման դրսևորված կարողություն
• Ցույց է տալիս տեղեկատվությունը կառավարելու կարողություն (արդյունավետորեն որոնել, գտնել, մեկնաբանել, մշակել, վերլուծել և պահպանել տարբեր աղբյուրներից ստացված տեղեկատվությունը)
• Դրսևորում է միջանձնային արդյունավետ հարաբերությունների պահպանման կարողունակություն
• Դրսևորում է գիտական հետազոտություններ կատարելու կարողականություն
• Դրսևորում է քննադատական մտածողություն
• Դրսևորում է բարդ խնդիրներ լուծելու կարողունակություն
• Դրսևորում է որոշումներ կայացնելու կարողունակություն

Մասնագիտական վերջնարդյունքներ

• Ներկայացնում է դեղերի, դեղաբույսերի գործարանային և դեղատնային  պատրաստման, որակի ստուգման, ստանդարտավորման, պահպանման, պետական գրանցման, գովազդի, անորակ դեղերի ոչնչացման  ժամանակակից պահանջները և մոտեցումները
• Մեկնաբանում է դեղերի, դեղաբանական և դեղաբուսական հումքերի որակական և քանակական հետազոտման համար կիրառվող ժամանակակից ֆիզիկաքիմիական մեթոդները (համաձայն տարբեր երկրների դեղագրքերի չափորոշիչ տեխնիկական փաստաթղթերի) և թունաբանական հետազոտությունների իրականացման եղանակները և նպատակները
• Ձևակերպում է կլինիկական դեղաբանության սկզբունքները, դեղերի միջազգային դասակարգման պահանջները և մոտեցումները
• Նկարագրում է քիմիական (անօրգանական և օրգանական) միացությունների կառուցվածքը, հատկությունները  և կարող է բանավոր և գրավոր եղանակներով ներկայացնել տարբերակման մեթոդները, դրանց թունաբանական ազդեցության առանձնահատկությունները
• Տիրապետում է ֆիզիոլոգիայի և անատոմիայի հիմունքներին և կարող է լուծել առարկայական խնդիրները բանավոր և գործնական եղանակներով
• Սահմանում է օրգանիզմի նյութափոխանակության հիմնական ուղիները, ինչպես նաև ախտաբանական գործընթացների և ժառանգական հիվանդությունների առաջացման պատճառները ու հետազոտման նորագույն մեթոդները
• Մեկնաբանում է դեղերի, դեղաբույսերի դեղաբանական հատկությունները, կիրառման անհամատեղելիությունը և կենսամատչելիությունը, ներկայացնում ֆարմակոկինետիկայի, ֆարմակոդինամիկայի, ֆարմակոգենետիկայի, կենսատեխնոլոգիայի և այլ հիմնահարցերը, ինչպես նաև կիրառում գիտելիքը դեղատնային պրակտիկայի ընթացքում
• Տիրապետում է ժամանակակից կենսաբանության, բուսաբանության, կենսատեխնոլոգիայի և կենսաբժշկագիտության հիմունքներին և նվաճումներին, ինչպես նաև տեղյակ է կիրառական ոլորտների առանձնահատկություններին
• Տիրապետում է օրգանիզմի սննդային կարիքների և դրանց բավարարող սննդանյութերի, սննդի հիմնական բաղադրիչների (բիոտիկ և աբիոտիկ), թունավորումների, դրանց կանխարգելման ձևերի վերաբերյալ տեղեկատվությանը, կարող է մեկնաբանել սննդամթերքի անվտանգության վերաբերյալ օրենքները, ուսումնասիրել սննդանյութերի ֆիզիկաքիմիական աղտոտվածության պատճառները և դրանց վերացման ուղիները
• Տիրապետում է քաղաքականության, քաղաքական իշխանության, քաղաքական համակարգի, կուսակցությունների, ընտրական կառուցակարգերի, առաջնորդության մասին տեսագործնական նյութին, կարող է կիրառել վերջինս մասնագիտական և ոչ մասնագիտական խնդիրներ լուծելիս
• Տիրապետում է բժշկական հոգեբանության հիմնախնդիրներին, ինչպես նաև վարքի կենսաբանական և հոգեբանական դետերմինանտների, հոգեբանության մեթոդների, հոգեսոմատիկ և սոմատոհոգեկան խանգարումների մասին տեղեկատվությանը
• Վերլուծում է դեղերի արտադրությունում և բժշկական կոսմետոլոգիայում կիրառվող նյութերի տեխնոլոգիաների առավելություններն ու թերությունները, վերջինս ունակ է կիրառել գործնականում
• Կիրառում է ժամանակակից գիտահետազոտական մեթոդներ՝ մասնագիտական գործունեության ընթացքում
• Տիրապետում է դեղերի կիրառման վերաբերյալ  դեղագիտական կազմակերպությունների մասնագետներին և բնակչությանը խորհրդատվություն տրամադրելու հմտություններին` տարածված հիվանդությունները կանխելու և հիվանդի անձնակենտրոն խնամքը բարելավելու համար
• Տիրապետում է արտակարգ իրավիճակներում տուժողներին և հիվանդներին առաջին բուժօգնություն ցուցաբերելու, դեղերի մատակարարման և կիրառման հմտություններին
• Տարբերակում է մանրէների հիմնական խմբերը, վերջինների  առանձնահատկությունների մասին ունի տեղեկատվություն, ունակ է լուսաբանել դրանց դերը բնության մեջ ու մարդու կյանքում
• Կարող է բժիշկների շրջանում իրականացնել նոր դեղերի, դեղաբույսերի մասին տեղեկատվական աշխատանքներ և դեղերի օգտագործման վերաբերյալ տեղեկատվություն տրամադրել բժշկական, դեղագործական ընկերություններին և հանրությանը
• Կարող է մասնագիտական գործունեության գործառույթներն իրականացնել սահմանված գիտատեխնիկական, իրավական և էթիկական նորմերին համապատասխան
• Տիրապետում է դեղերի շրջանառության տարբեր օղակներում դեղագործական գործունեություն ծավալելու և կազմակերպելու սկզբունքներին ու կառավարման հիմունքներին, կարող է կազմակերպել դեղատան դեղատնային բազայի, դեղերի որակի հսկման լաբորատորիայի բոլոր աշխատանքը։
• Կարող է դեղատներում դեղեր պատրաստել և մասնակցել դեղագործարաններում դեղերի պատրաստման (արտադրական) գործընթացին

Հիմնական առարկաներ։  Այս առարկաները հիմք են հանդիսանում Ֆարմացիա մասնագիտության համար , ուսումնասիրվում են ամբողջ ուսումնառության ընթացքում և  պարտադիր են  տվյալ մասնագիտության բոլոր ուսանողների համար։

Կարիերայի հեռանկարներ․ ԿԾ շրջանավարտը կարող է աշխատել որպես դեղագիտության և  դեղարտադրության բնագավառի մասնագետ` դեղագետ, դեղագործ դեղատներում, դեղարտադրող տարբեր ընկերություններում և գիտահետազոտական ինստիտուտներում:  Կարող է զբաղեցնել դեղագիտության հետ առնչվող այլ պաշտոններ պետական համակարգում: Շրջանավարտները կկարողանան հաջող կարիերա սկսել որպես դեղագործ` հիվանդանոցներում, կլինիկաներում, դեղատներում, ինչպես նաև դառնալ դեղագործական արդյունաբերության անբաժանելի մասը: Նրանք կարող են նաև սկսել իրենց սեփական մանրածախ կամ մեծածախ բիզնեսը դեղագործության ոլորտում՝ միևնույն ժամանակ պահպանելով մասնագիտական հետագա զարգացումները  որպես հետազոտող կամ դեղորայքի մասնագետ։