Սիրելի՛ ուսանողներ,
Ջերմորեն շնորհավորում եմ ձեզ Ուսանողների միջազգային օրվա առթիվ:
Ուսանողությունը յուրաքանչյուր պետության շարժիչ ուժն է, քանզի հենց այդ երիտասարդ մտավոր ներուժն է ապահովում գիտական մտքի զարգացումը և դառնում առաջընթացի կարևորագույն երաշխիք:
Այս տոնը երիտասարդական եռանդի, ուրախության և խենթության խորհրդանիշն է:
Մաղթում եմ բոլորիդ անկոտրուն կամք, հաջողություններ անձնական կյանքում, երջանկություն և համախմբվածություն կրթական ու գիտական համարձակ ձեռնարկումների հասնելու ճանապարհին նորանոր բարձունքներ հաղթահարելիս: Թող ձեր ցանկացած գործունեություն լինի ազնիվ` նպատակաուղղված մեր ազգային վեհ գաղափարների իրականացմանը: Համոզված եմ, որ դուք կարող եք հաղթահարել ցանկացած դժվարություն և դարձնել մեր երկիրն այնպիսին, ինչպիսին երազում ենք բոլորս: Իսկ ձեր համարձակ ծրագրերը կարող են նպաստել նաև համաշխարհային հիմնահարցերի լուծմանը:
Հարգանքներով`
ԵՄՀ ռեկտոր, աշխ.գիտ. դոկտոր, պրոֆեսոր Սուրեն Օհանյան