ԵՄՀ Որակի ապահովման կենտրոնը հայտարարում է Որակի ուսանող գործակալների մրցույթ: Որակի ներկայիս ուսանող գործակալները ևս պետք է դիմեն մրցույթին, եթե ցանկանում են շարունակել իրենց գործունեությունը, որպես գործակալներ (յուրաքանչյուր ամբիոնից ընտրվելու է միայն 1 Ուսանող գործակալ):
ՊԱՐՏԱԿԱՆՈՒԹՅՈՒՆՆԵՐ.
- Մասնակցություն ԵՄՀ կրթական գործընթացների որակի գնահատման և բարելավման աշխատանքներին;
- Մասնակցություն Կառավարման օղակների հանդիպումներին, որպես համապատասխան ամբիոնի ներկայացուցիչ;
- Ներքին և արտաքին վերապատրաստումների մասնակցություն;
- Ուսանողների կրթական կարիքների վերհանման նպատակով` տարատեսակ որակական և քանակական հետազոտությունների իրականացում;
- Որակի ներքին աուդիտի/ ինքնավերլուծության աշխատանքներին մասնակցություն և այլն:
ԱՌԱՎԵԼՈՒԹՅՈՒՆՆԵՐ ԵՎ ՀՆԱՐԱՎՈՐՈՒԹՅՈՒՆՆԵՐ.
- Եվրոպական բարձրագույն կրթական տարածքի և Բոլոնյան համակարգի վերաբերյալ գիտելիքների ձեռքբերում;
- Ներգրավվածություն կրթության որակի ապահովման աշխատանքներին ծրագրային, ինստիտուցիոնալ և ազգային մակարդակով;
- Փափուկ հմտությունների զարգացման, ուսանողների շահերի ներկայացման հնարավորություն;
- Ներքին և արտաքին վերապատրաստումների մասնակցություն ԵՄՀ անունից;
- Մասնակցություն ԵՄՀ որոշումների կայացման և բարելավման գործընթացներին;
- Որակի ապահովման կենտրոնի կողմից Երաշխավորական նամակների ստացում՝ միջազգային ծրագրերի մասնակցության նպատակով և այլն:
ԴԻՄՈՒՄՆԵՐԻ ՆԵՐԿԱՅԱՑՈՒՄ ԵՎ ԸՆՏՐՈՒԹՅՈՒՆ.
Եթե ցանկանում եք մասնակցել մրցույթին, խնդրում ենք լրացնել դիմում հայտը, մինչև սույն թվականի նոյեմբերի 15-ը. https://forms.gle/4yRUqm8tQdKyZdqf6
Ընտրության չափանիշներ.
- Ուսանողների շահերի ներկայացման և առաջնորդության փորձառություն, հասարակական ակտիվություն;
- Կրթական նվաճումներ/ ՄՈԳ;
- Անգլերեն լեզվի իմացություն;
- Մոտիվացիա:
Լրացուցիչ տեղեկությունների և հարցերի համար կարող եք դիմել Մարիամ Ջիլավյանին` գրելով mariam.jilavyan@eiu.am էլ հասցեին։