Մարտի 8-ը կանանց միջազգային օրն է։ Տոնի պատմությունը գալիս է 1910 թ.-ից, երբ Կոպենհագենում կայացած աշխատող կանանց երկրորդ Միջազգային կոնֆերանսի ժամանակ Գերմանիայի սոցիալ-դեմոկրատական կուսակցության կանանց խմբի առաջնորդը՝ Կլարա Ցետկինը, առաջ քաշեց Կանանց միջազգային տոնը նշելու գաղափարը: Ցետկինն այդ տոնի նպատակն է համարել կանանց
պայքարն իրենց իրավունքների համար: Ժամանակի ընթացքում տոնի քաղաքական մասը մոռացվել է, և այսօր այն նշվում է որպես գեղեցկության, քնքշության և կնոջն
ուղղված անսահման սիրո արտահայտման օր:
Օրվա նախօրեն տոնական էր նաև Եվրասիա միջազգային համալսարանում։ Այսօր՝ ս․թ․ մարտի 7-ին ԵՄՀ Ուսանողական խորհրդի նախաձեռնությամբ կազմակերվեց տոնական ցերեկույթ, որն ուղեկցվեց կանանց նվիրված ասմունքով, բարեմաղթանքներով, երգով, հյուրասիրությամբ։
Տոնական բարձր տրամադրությունն ապահովեցին իհարկե բուհի տղաները, որոնք տարատեսակ անակնկալներ մատուցեցին աղջիկներին ողջ օրվա ընթացքում։